Kolose 1:22 - Perjanjian Baru Bahasa Melayu Maluku Utara

²² Tapi skarang, Tuhan Allah biking supaya ngoni pe hubungan bole bae-bae ulang deng Dia, karna Yesus Kristus so mati di kayu salib. Dia mati itu, supaya di Dia pe muka, ngoni jadi orang yang bersi dari dosa, tara sala apa-apa, kong tarada orang yang bisa kase sala pa ngoni.

Kolose 1:22 ပူးပေါင်းရင်းမြစ်များ

Lukas 1:75

Kong selama torang hidup, torang hidup cuma biking Tuhan Allah pe mau, deng hidup cuma biking yang butul pa Tuhan Allah pe muka.”

Roma 7:4

Sudara-sudara, bagitu lagi yang jadi pa torang deng aturan di lima kitab Musa. Dulu, torang musti iko aturan di lima kitab Musa itu supaya torang bole dapa slamat dari dosa-dosa. Tapi Yesus Kristus so mati, kong torang yang percaya pa Dia so kase tinggal torang pe hidup yang cuma iko torang pe mau sandiri, itu sama deng torang so mati sama-sama deng Dia. Jadi skarang torang so tara usa lagi iko aturan di lima kitab Musa itu supaya mo dapa slamat. Torang so jadi Yesus Kristus punya, Dia itu yang so hidup ulang. Kong karna torang so jadi Yesus Kristus punya, torang bole biking barang yang bae untuk Tuhan Allah.

2 Korintus 11:2

Kita jaga bae-bae pa ngoni sama deng Tuhan Allah sandiri jaga pa ngoni, jang sampe ada yang ganggu ngoni pe percaya pa Yesus Kristus. Kita sama deng papa satu yang so janji mo kase kawing dia pe ana parampuang deng laki-laki satu, jadi papa itu jaga turus pa ana parampuang itu supaya dia tetap bersi sampe dia kawing deng dia pe calon kawing.

2 Korintus 4:14

Barang, Tuhan Allah so kase hidup ulang pa Tuhan Yesus, jadi torang me tau, biar torang mati nanti, Dia mo kase hidup ulang pa torang. Dia mo kumpul pa torang deng ngoni sama-sama pa Dia pe muka.

2 Korintus 5:18

Samua itu, Tuhan Allah yang biking. Jadi waktu Yesus Kristus mati di kayu salib, Dia kase bae-bae ulang torang manusia pe hubungan deng Tuhan Allah. Kong Dia lagi yang kase percaya pa torang untuk bantu pa orang-orang la dorang jadi percaya pa Dia supaya dorang me pe hubungan deng Tuhan Allah jadi bae-bae ulang.

Efesus 1:4

Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.

Efesus 5:27

Jadi, torang yang so jadi Dia pe jemaat bole jadi Tuhan pe umat yang bersi dari dosa, kong tarada orang yang mo kase sala pa torang. Torang tarada dosa apa-apa sampe waktu Tuhan Yesus datang ulang jemput pa torang, jadi torang bole badiri pa Dia pe muka.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

1 Tesalonika 4:7

Barang, Tuhan Allah so pangge pa torang jadi Dia pe umat untuk hidup deng hati bersi, bukang untuk mo biking hal-hal yang tara bae iko ngoni pe napsu.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Ibrani 10:10

Yesus Kristus ada iko Tuhan Allah pe mau waktu Dia jadi korban persembahan satu kali untuk slama-lamanya. Kong deng Dia kase korban Dia pe diri itu, Dia biking torang jadi Dia pe umat yang bersi dari dosa satu kali untuk slama-lamanya.

Ibrani 10:20

Yesus Kristus so buka jalang pa torang la tong dapa hidup deng Tuhan Allah slama-lamanya. Dia buka jalang itu waktu Dia kase Dia pe diri mati di kayu salib. Apa yang Dia biking itu, itu sama deng Dia so robe kaeng pampele basar di Ruma Ibada Pusat jadi dua, sampe biking orang so bisa maso di Ruang Paling Suci untuk langsung semba pa Tuhan Allah.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.

2 Petrus 3:14

Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.