Kolose 1:16 - Perjanjian Baru Bahasa Melayu Maluku Utara

¹⁶ Karna deng Yesus Kristus itu suda, Tuhan Allah cipta samua-samua, yang ada di sorga deng di bumi, samua yang orang bisa lia deng yang tara bisa lia, termasuk samua yang bapimpin deng yang berkuasa di udara. Dia cipta samua-samua itu sama-sama deng Yesus Kristus, supaya Yesus Kristus dapa puji.

Kolose 1:16 ပူးပေါင်းရင်းမြစ်များ

Yohanes 1:10

Sebenarnya tarang itu dari dulu-dulu so ada di dunia ini. Deng Tuhan Allah pake pa Dia untuk biking dunia ini. Tapi orang-orang di dunia ini tara kanal pa Dia.

Yohanes 1:3

Tuhan Allah pake pa Yesus, Firman itu untuk biking samua-samua yang ada. Deng tara ada satu barang yang jadi, kalu Tuhan Allah tara pake pa Dia itu.

Roma 11:36

Karna samua yang ada di dunia ini Tuhan Allah yang biking, kong samua itu Dia yang ator. Dia biking samua itu supaya Dia bole dapa puji. Jadi, mari suda torang puji deng hormat pa Dia sampe slama-lamanya! Amin.

Roma 8:38

Kita yakin skali, tara ada satu yang bisa kase pisa pa torang dari Yesus Kristus pe sayang. Jadi biar torang masi hidup atau so mati, Tuhan tetap sayang pa torang. Malaekat-malaekat deng setang-setang me tarada kuasa untuk mo kase pisa pa torang dari Tuhan pe sayang. Apa saja yang mo jadi skarang atau nanti, Tuhan tetap sayang pa torang.

Roma 9:5

Dorang itu me turunan dari Abraham, Ishak deng Yakub, kong dari turunan ini Yesus Kristus lahir sebagai manusia untuk mo kase slamat pa manusia. Yesus Kristus itu suda Tuhan Allah, Dia pe kuasa lebe basar dari samua yang ada. Jadi Dia yang pantas dapa puji sampe slama-lamanya. Amin.

1 Korintus 8:6

tapi untuk torang yang percaya, Tuhan Allah itu cuma satu saja. Dia itu torang pe Bapa, yang cipta samua-samua yang ada di dunia ini, deng Dia itu lagi yang kase torang hidup supaya tong hidup untuk biking Dia pe mau. Torang pe Tuhan me cuma satu, Yesus Kristus. Kong deng Dia itu suda, Tuhan Allah cipta dunia deng samua-samua yang ada. Deng karna Dia, torang bole hidup.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Efesus 6:12

Barang, torang pe musu itu bukang manusia tapi kuasa-kuasa jahat yang torang tara dapa lia. Torang lawan samua yang berkuasa di dunia yang galap ini, deng samua yang berkuasa di udara.

Filipi 2:10

supaya deng Dia pe kuasa itu, samua mo berlutut semba pa Dia: samua yang ada di sorga, samua yang ada di bumi, deng samua yang ada di tampa orang mati.

Kolose 1:15

Sudara-sudara, tara ada orang yang bisa lia pa Tuhan Allah, tapi waktu torang lia pa Yesus Kristus, itu sama saja deng torang so lia pa Tuhan Allah kong so tau Dia pe sifat deng kuasa. Waktu langit deng bumi bolong jadi, Yesus Kristus so lebe kamuka ada. Kong Yesus Kristus itu yang paling berkuasa dari samua yang Tuhan Allah so cipta.

Kolose 1:20

Kong deng Yesus Kristus itu lagi, Tuhan Allah biking supaya samua yang ada di bumi deng di sorga pe hubungan bole bae-bae ulang deng Dia. Hubungan deng Tuhan Allah itu jadi bae-bae ulang, karna Yesus Kristus pe dara yang tatumpa di kayu salib.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

Kolose 2:15

Kong waktu Yesus Kristus mati di kayu salib itu, Dia so kase kala pa samua kuasa jahat yang berkuasa, supaya Tuhan Allah kase tunju pa samua orang, Dia itu yang menang.

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Ibrani 2:10

Tuhan Allah yang biking samua-samua yang ada, supaya Dia dapa puji deng hormat. Jadi pantas skali Tuhan Allah biking Dia pe rencana yang biking orang banya jadi Dia pe ana-ana untuk hidup sama-sama deng Dia di sorga. Kong supaya dorang jadi Tuhan Allah pe ana-ana, Dia biking Dia pe Anak Yesus menderita la Dia bisa jadi dorang pe pemimpin yang sempurna untuk buka jalang, supaya orang yang percaya pa Dia bole dapa slamat.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.