Kolose 1:11 - Perjanjian Baru Bahasa Melayu Maluku Utara

¹¹ Kita minta lagi pa Tuhan Allah supaya Dia kase kuat ngoni pe hati deng Dia pe kuasa yang luar biasa itu, la biar apa saja yang ngoni hadapi, ngoni tetap percaya, ngoni tetap sabar deng ngoni pe hati tetap sanang.

Kolose 1:11 ပူးပေါင်းရင်းမြစ်များ

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 5:41

Pe kaluar dari Mahkama Agama pe tampa urus perkara, rasul-rasul itu sanang skali karna Tuhan Allah anggap dorang pantas dapa siksa karna iko pa Tuhan Yesus.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

1 Korintus 16:13

Ngoni musti jaga diri bae-bae! Ngoni pe percaya musti kuat pa Tuhan! Jang ngoni tako, tapi ngoni musti barani!

2 Korintus 4:7

Torang ini cuma manusia yang lema, sama deng pot dari tana liat. Tapi biar bagitu, Tuhan Allah kase percaya Dia pe Kabar Bae tentang Yesus Kristus itu pa torang. Kabar Bae itu hebat skali, bole kase sama deng harta yang berharga. Jadi, deng tong kase tau Kabar Bae itu, itu jadi jelas skali pa orang-orang, kuasa basar yang ada pa torang itu memang dari Tuhan Allah, bukang dari tong pe diri sandiri.

Efesus 3:16

Kita minta pa Tuhan Allah yang paling hebat la Dia pe Roh pe kuasa kase kuat ngoni pe hati,

Efesus 4:2

Ngoni pe hidup musti bagini: tara basombong, tara kasar pa orang, deng salalu sabar. Biar ada orang yang biking sala pa ngoni, jang capat mara, barang ngoni so baku sayang.

Efesus 6:10

Ahirnya, kita mo bilang pa ngoni bagini, kase kuat suda ngoni pe hati deng Tuhan pe kuasa yang Dia so kase pa ngoni karna ngoni so satu hati deng Tuhan.

Filipi 4:13

Kita bole batahang deng sagala macam keadaan, itu karna Yesus Kristus yang biking kita kuat mangada samua itu.

2 Petrus 1:6

Turus kalu ngoni so tau apa yang Dia suka, ngoni lagi musti kuasai ngoni pe diri. Turus kalu ngoni so kuasai ngoni pe diri, ngoni me musti tetap percaya pa Dia biar dapa siksa. Kong biar lagi ngoni dapa siksa, ngoni me musti hidup iko Tuhan Allah pe mau,

Yudas 1:25

Jadi puji deng hormat suda pa Tuhan Allah, Dia itu cuma satu. Dia yang kase slamat pa torang dari torang pe dosa karna Yesus Kristus torang pe Tuhan. Tuhan Allah pe kuasa paling basar, tara ada yang bisa lawan, deng Dia yang berkuasa untuk ator samua-samua yang ada di dunia ini. Dia tetap bagitu, mulai dari dunia ini bolong ada, skarang deng sampe slama-lamanya. Amin.

Wahyu 14:12

Jadi yang penting di sini, orang-orang yang so jadi Tuhan Allah pe umat, musti batahang percaya pa Dia biar dapa siksa. Dorang itu yang iko Tuhan Allah pe parenta, deng tetap percaya pa Yesus.