Kisah Para Rasul 9:2 - Perjanjian Baru Bahasa Melayu Maluku Utara

² kong minta surat kuasa supaya dia bawa di ruma-ruma ibada agama Yahudi di kota Damsyik. Surat itu dia pake la mo tangka pa sapa saja yang iko Yesus pe ajaran, biar itu laki-laki atau parampuang. Dia pe maksut mo bawa pa dorang la dapa urus di Yerusalem.

Kisah Para Rasul 9:2 ပူးပေါင်းရင်းမြစ်များ

Matius 10:17

Ngoni musti ati-ati pa samua orang! Barang, ada orang-orang yang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi, pake tali yang ada barang tajam di dia pe ujung.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Kisah Para Rasul 18:25

Dia lagi tau ajaran tentang Tuhan Yesus. Dia pe hati smangat skali kase carita tentang Tuhan Yesus kong samua yang dia kase carita itu butul. Tapi tentang baptisan, dia bolong tau samua, dia cuma tau tentang baptisan yang Yohanes biking.

Kisah Para Rasul 19:23

Waktu itu, ada kaco basar di kota Efesus, barang ada orang-orang yang tara suka deng ajaran tentang Yesus.

Kisah Para Rasul 19:9

Tapi ada babarapa orang yang tetap tara tarima yang Paulus ajar pa dorang, barang dorang pe hati karas. Karna itu, dorang mulai bicara tara bae tentang Yesus pe ajaran di orang banya pe muka. Jadi Paulus kase tinggal pa dorang, kong dia deng orang-orang yang percaya itu kaluar dari ruma ibada agama Yahudi, kong pigi di satu gedung yang biasa orang-orang pande pake untuk mangajar. Gedung itu, dia pe nama Tiranus. Di situ, Paulus mangajar kong badiskusi deng orang-orang yang datang di situ.

Kisah Para Rasul 24:14

Tapi biar bagitu me, kita mo bilang satu barang pa bapa. Kita jaga semba pa Tuhan Allah yang torang orang Yahudi pe orang tua dulu-dulu jaga semba. Kita semba pa Tuhan Allah itu iko ajaran yang Tuhan Yesus kase ajar, yang orang Yahudi laeng jaga bilang itu aliran yang tara butul. Padahal, sama deng dorang, kita percaya samua yang ada tatulis di lima kitab Musa deng di kitab yang nabi-nabi laeng tulis.

Kisah Para Rasul 24:22

Tapi, gubernur Feliks yang so tau banya ajaran tentang Yesus Kristus, dia tunda perkara itu. Dia bilang, “Nanti komandan batalion Lisias so sampe di sini, baru kita mo ambe keputusan tentang ngoni pe perkara ini.”

Kisah Para Rasul 26:10

Di Yerusalem, kita perna biking bagitu. Kita dapa surat kuasa dari imam-imam kapala untuk tangka pa orang-orang yang so jadi Tuhan Allah pe umat kong kase maso pa dorang di penjara. Waktu dorang itu dapa urus, kita me setuju dorang dapa hukuman mati.

Kisah Para Rasul 26:12

Paulus bilang lagi bagini, “Satu kali, deng maksut mo tangka pa orang-orang yang percaya pa Yesus itu, kita pigi di kota Damsyik. Kita pigi bawa surat kuasa dari imam-imam kapala.

Kisah Para Rasul 6:9

Tapi di situ me ada babarapa orang yang tara suka deng Stefanus pe bicara kong dorang baku malawang deng dia. Dorang itu orang agama Yahudi dari kota Kirene, dari kota Aleksandria deng ada lagi babarapa orang dari daera Kilikia deng daera Asia Kecil. Dorang itu perna jadi orang karja yang dong pe tuang so bili, tapi skarang so jadi orang bebas. Dorang pe ruma ibada pe nama ‘Ruma Ibada Libertini’.

Kisah Para Rasul 7:19

Kong dia jaga kase foya pa torang pe orang tua dulu-dulu deng jaga siksa pa dorang. Dia me paksa pa dorang supaya buang dong pe ana kacil yang mera-mera la mati.

Kisah Para Rasul 9:14

Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”

Kisah Para Rasul 9:21

Samua orang di situ, waktu dengar yang Saulus bilang itu, dorang jadi herang kong bilang bagini, “Dia ini to, yang jaga bunu pa orang yang percaya pa Yesus di Yerusalem? Mangkali dia datang kamari mo tangka pa orang-orang yang percaya pa Yesus, kong bawa pa dorang di imam-imam kapala?”

2 Korintus 11:32

Waktu kita ada di kota Damsyik, orang yang raja Aretas angka jadi gubernur suru pa pengawal-pengawal jaga bae-bae kota pe pintu gerbang, la kalu kita kaluar dong bisa tangka pa kita.

Galatia 1:17

Kita me tara pigi di kota Yerusalem la baku dapa deng rasul-rasul yang so kamuka jadi rasul dari kita supaya dorang bole bantu pa kita untuk biking lebe mangarti tentang Kabar Bae itu. Tarada! Tapi kita pigi di tana Arab, abis itu kita bale ulang di kota Damsyik.