Kisah Para Rasul 9:18 - Perjanjian Baru Bahasa Melayu Maluku Utara

¹⁸ Waktu itu suda, ada barang satu yang sama deng ikang pe sisik takaluar dari Saulus pe mata, kong dia so bisa dapa lia ulang. Turus Saulus badiri kong dapa baptis.

Kisah Para Rasul 9:18 ပူးပေါင်းရင်းမြစ်များ

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 22:13

Dia datang badekat di kita pe pinggir kong bilang bagini, ‘Saulus, kita pe sudara yang sama-sama percaya, ngana sembu suda kong lia ulang!’ Waktu itu suda, kita langsung bisa dapa lia lagi, turus kita haga pa dia.

Kisah Para Rasul 22:16

Skarang, jang tunggu lama! Badiri suda, kong kase ngana pe diri dapa baptis, minta pa Tuhan supaya Dia kase ampun ngana pe dosa-dosa.’

Kisah Para Rasul 9:17

Turus, Ananias pigi di ruma yang Saulus tinggal, kong maso di situ. Pe baku dapa deng Saulus, Ananias taru dia pe tangan di atas pa Saulus kong bilang, “Saulus, kita pe sudara. Tuhan Yesus yang suru pa kita datang kamari. Dia itu yang kase tunju Dia pe diri pa ngana di tenga jalang waktu ngana mo datang kamari. Dia suru pa kita datang pa ngana la ngana bole dapa lia ulang, deng Roh Kudus mo kuasai pa ngana.”

Kisah Para Rasul 9:8

Turus Saulus bangun kong badiri. Dia buka dia pe mata, tapi dia so tara bisa lia apa-apa lagi. Jadi, dia pe tamang-tamang musti tunda pa dia maso di kota Damsyik.

2 Korintus 3:14

Tapi orang Israel itu pe pikiran tatutu sampe tara mangarti aturan-aturan itu pe maksut. Kong skarang ini me waktu orang Israel baca janji yang lama itu lagi, dorang pe pikiran masi tatutu, macam deng kaeng yang Musa pake untuk tutu pa dia pe muka itu, jadi dorang tara mampo mangarti. Nanti kalu dorang so percaya pa Yesus Kristus, baru dong bole mangarti butul-butul Tuhan Allah pe janji.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.