Kisah Para Rasul 9:16 - Perjanjian Baru Bahasa Melayu Maluku Utara

¹⁶ Kita sandiri yang akan kase tunju pa dia, dia mo dapa banya siksa karna dia iko pa Kita.”

Kisah Para Rasul 9:16 ပူးပေါင်းရင်းမြစ်များ

Matius 24:9

Kong waktu itu, orang-orang yang tara percaya mo tangka pa ngoni, turus mo serakan untuk siksa deng bunu pa ngoni. Kong orang-orang dari samua suku bangsa akan binci pa ngoni karna ngoni iko pa Kita.

Matius 5:11

Paling sanang suda ngoni yang karna ngoni iko pa Kita, ngoni dapa hina, dapa siksa, deng ada yang kase tara bae ngoni pe nama.

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Kisah Para Rasul 21:11

Dia datang pa torang kong pinjam Paulus pe ban. Dia kase conto ika dia pe kaki deng tangan sandiri pake ban itu. Turus dia bilang, “Roh Kudus bilang bagini, ‘Orang yang punya ban ini, nanti orang-orang Yahudi di Yerusalem mo ika pa dia sama deng yang kita biking ini. Abis itu dorang mo serakan pa dia pa orang-orang yang bukang Yahudi kong dorang siksa pa dia.’ ”

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”

Kisah Para Rasul 21:4

Torang turung dari kapal itu, langsung pi cari pa orang-orang yang percaya pa Yesus di situ, kong torang tinggal deng dorang, pe lama satu minggu. Di situ, Roh Kudus kase tau pa dorang, nanti Paulus dapa siksa di Yerusalem, jadi dorang kase nasehat pa Paulus supaya jang turus di Yerusalem.

Kisah Para Rasul 9:14

Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”

Kisah Para Rasul 9:6

Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”

2 Korintus 6:4

Mala samua yang torang biking, torang biking bae-bae supaya jelas torang ini orang yang karja untuk Tuhan Allah, macam deng bagini: biar torang dapa siksa, susa deng sengsara, torang batahang turus.

1 Tesalonika 3:3

Deng bagitu, biar ngoni dapa siksa, ngoni tetap batahang percaya pa Yesus. Barang, ngoni sandiri me tau, orang yang percaya pa Yesus pasti mo menderita.

2 Timotius 1:12

Kong karna kita kase tau Kabar Bae itu, kita dapa siksa dari orang-orang yang tara suka Kabar Bae itu sampe dong kase maso pa kita di penjara. Tapi biar bagitu me, kita tara malu, karna kita tau butul Tuhan yang kita percaya itu, deng kita yakin Dia pe kuasa ada pa kita turus untuk jaga tugas yang Dia so kase percaya pa kita sampe Dia datang ulang yang kedua kali.

2 Timotius 3:11

Ngana tau bagimana orang-orang siksa pa kita di kota Antiokhia, kota Ikonium deng kota Listra sampe kita menderita skali. Tapi Tuhan kase lapas pa kita dari siksa itu samua.

1 Petrus 4:14

Kalu ngoni dapa hina karna ngoni iko pa Yesus Kristus, ngoni itu paling sanang suda! Barang, itu berarti Tuhan Allah pe Roh yang luar biasa ada sama-sama deng ngoni.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.