Kisah Para Rasul 8:23 - Perjanjian Baru Bahasa Melayu Maluku Utara

²³ Barang, kita lia ngana ini pangmangiri, deng dosa so kuasai ngana pe hati.”

Kisah Para Rasul 8:23 ပူးပေါင်းရင်းမြစ်များ

Yohanes 8:34

Yesus bilang pa dorang, “Inga bae-bae yang Kita bilang ini. Tiap orang yang biking dosa, dia taika deng dosa, sama deng dosa itu biking dia jadi orang karja.

Efesus 4:31

Ngoni musti buang suda samua ngoni pe hati saki, simpang hati, deng mara-mara. Ngoni berenti suda mara-mara sampe marontak. Berenti suda kase tara bae orang pe nama, deng berenti lagi biking samua yang jahat.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

2 Petrus 2:19

Dorang ajar pa orang-orang yang baru percaya itu, deng bilang, “Kalu ngoni iko torang pe ajaran, ngoni akan bebas dari samua aturan. Jadi ngoni bole biking apa saja yang ngoni suka.” Padahal, guru-guru palsu itu sandiri tara bebas karna dong pe keinginan tara bae yang banya so kuasai pa dorang, kong itu yang biking dong berdosa. Barang, apa saja yang kuasai pa orang, itu yang biking dia berdosa.

2 Petrus 2:4

Ambe conto, dulu malaekat-malaekat yang biking dosa me Tuhan Allah hukum. Dia buang pa dorang di neraka, turus ika deng rante pa dorang di tampa yang galap itu. Dorang di situ tara kaluar sampe hari kiamat, waktu Tuhan Allah mo adili pa samua orang.