Kisah Para Rasul 7:8 - Perjanjian Baru Bahasa Melayu Maluku Utara

⁸ Abis Tuhan Allah bilang bagitu, Dia kase sah Dia pe janji deng Abraham itu deng cara dorang orang Yahudi yang laki-laki musti dapa sunat. Jadi waktu Abraham so dapa ana Ishak, dia kase sunat ana itu waktu ana itu pe umur delapan hari. Bagitu lagi waktu Ishak dapa ana Yakub, dia me biking bagitu. Kong Yakub me biking bagitu pa dia pe ana dua blas orang, yang jadi torang orang Yahudi pe orang tua dulu-dulu.

Kisah Para Rasul 7:8 ပူးပေါင်းရင်းမြစ်များ

Matius 1:2

Abraham pe ana Ishak, Ishak pe ana Yakub, Yakub pe ana Yehuda, deng Yehuda pe sudara-sudara yang laeng.

Yohanes 7:22

Padahal ngoni sandiri lagi bakarja di hari Sabat, waktu ngoni sunat orang iko apa yang nabi Musa suru. Sebenarnya, sunat itu bukang nabi Musa pe aturan, tapi aturan itu dari torang pe orang tua dulu-dulu Abraham, Ishak deng Yakub.

Kisah Para Rasul 2:29

Sudara-sudara, ini pasti raja Daud tara carita tentang dia pe diri sandiri. Barang, dia sandiri me so mati deng so dapa kubur, kong dia pe kubur masi ada sampe skarang di torang pe daera ini.

Roma 4:10

Turus, tempo apa Tuhan Allah biking dia jadi orang yang tara sala? Apa waktu dia so dapa sunat atau waktu dia bolong dapa sunat? Yang pasti waktu dia bolong dapa sunat.

Galatia 3:15

Sudara-sudara, kita mo kase conto satu dari hidup hari-hari. Kalu orang biasa biking janji, turus dorang biking sah dong pe janji itu, so tara ada lagi orang laeng yang bole mo kase batal atau bole mo tamba apa-apa di janji itu, biar lagi janji itu cuma manusia yang biking.

Galatia 3:17

Kita pe maksut bagini: Tuhan Allah so lebe kamuka biking janji itu deng Abraham, kong Tuhan Allah so biking sah janji itu. Abis itu, ampa ratus tiga pulu taong brikut, baru Tuhan Allah kase aturan-aturan pa nabi Musa, itu aturan-aturan di lima kitab Musa. Jadi aturan-aturan yang muncul dari balakang itu tara bole kase batal atau hapus janji yang so ada lebe kamuka itu.

Ibrani 7:4

Jadi, dari carita itu torang dapa tau Melkisedek itu orang penting skali, karna biar Abraham itu torang pe orang tua dulu-dulu yang hebat, tapi Abraham kase spulu persen pa Melkisedek dari barang yang dia ambe waktu baku prang.