Kisah Para Rasul 7:36 - Perjanjian Baru Bahasa Melayu Maluku Utara

³⁶ Musa itu lagi yang bawa pa orang Israel kaluar dari tana Mesir. Dia biking mujizat-mujizat deng tanda-tanda yang kase tunju Tuhan Allah pe kuasa waktu dorang di Mesir, di Laut Mera deng di padang gurun, selama ampa pulu taong.

Kisah Para Rasul 7:36 ပူးပေါင်းရင်းမြစ်များ

Yohanes 4:48

Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Kisah Para Rasul 13:18

Abis itu, dorang hidup di padang gurun selama ampa pulu taong. Di situ, dorang pe kalakuang tara iko Tuhan Allah pe mau, tapi Tuhan Allah tetap sabar pa dorang.

Kisah Para Rasul 7:42

Pe lia itu, Tuhan Allah so tara mester pa dorang lagi, kong kase biar dorang semba bintang-bintang di langit. Samua itu jadi, sama deng yang nabi-nabi so tulis memang di Kitab Suci bagini, ‘Ee, orang-orang Israel! Selama ampa pulu taong ngoni tinggal di padang gurun itu, ngoni tara perna kase binatang korban persembahan pa Kita.

Ibrani 3:8

jang ngoni kapala batu, macam deng ngoni pe orang tua dulu-dulu biking. Waktu itu di padang gurun, dorang malawang Kita pe parenta jadi dong uji Kita pe sabar,

Ibrani 3:9

selama ampa pulu taong di padang gurun, ngoni pe orang tua dulu-dulu so lia Kita biking mujizat. Tapi biar bagitu, dorang tetap uji deng coba Kita pe sabar.

Ibrani 8:9

Janji yang baru itu tara sama deng janji yang Kita so perna biking deng dorang pe orang tua dulu-dulu waktu Kita pimpin pa dorang kaluar dari tana Mesir. Kita pimpin pa dorang itu sama deng Kita ada pegang dorang pe tangan untuk kaluar dari tana Mesir. Kita biking janji yang baru itu, barang dorang tara biking apa yang Kita suru di janji yang lama itu. Jadi Kita kase biar suda dorang biking apa yang dong mau, biar sala.