Kisah Para Rasul 7:32 - Perjanjian Baru Bahasa Melayu Maluku Utara

³² ‘Kita ini suda Tuhan Allah yang ngana pe orang tua dulu-dulu, Abraham, Ishak deng Yakub, jaga semba.’ Pe dengar suara itu, Musa langsung totofore kong so tara barani balia di situ lagi.

Kisah Para Rasul 7:32 ပူးပေါင်းရင်းမြစ်များ

Matius 17:6

Pe dengar suara itu, Yesus pe murit tiga orang itu jadi tako skali sampe bapalaka di tana.

Matius 22:32

‘Kita ini suda Tuhan Allah yang Abraham, Ishak deng Yakub jaga semba.’ Waktu Tuhan Allah bilang itu, Abraham, Ishak deng Yakub so mati tapi dorang so hidup ulang deng Tuhan Allah. Jadi Tuhan Allah itu bukang orang mati pe Tuhan, tapi orang hidup pe Tuhan.”

Matius 22:46

Dari samua orang itu, tara ada satu orang lagi yang bisa jawab apa-apa pa Yesus. Kong mulai dari waktu itu, tarada satu orang lagi yang barani batanya pa Yesus.

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Kisah Para Rasul 7:31

Musa jadi herang waktu lia bagitu, kong dia pigi badekat di situ la mo perhatikan rumpu yang baduri itu. Kage-kage Tuhan Allah pe suara bilang bagini,

Ibrani 11:16

Tapi tampa tinggal yang dorang rindu itu, tampa tinggal yang lebe bagus. Tampa tinggal itu, sorga suda. Karna itu, Tuhan Allah tara malu waktu dorang bilang, Dia itu dorang pe Tuhan Allah, barang Dia so kase sadia kota itu untuk dorang tinggal.

Wahyu 1:17

Waktu kita lia pa Dia, kita jatu di tana pas pa Dia pe kaki, sama deng orang mati. Tapi Dia taru Dia pe tangan kanan pa kita deng bilang bagini, “Yohanes, jang ngana tako! Kita ini so ada dari pertama waktu dunia bolong ada, deng tetap ada lagi sampe ahir jaman.