Kisah Para Rasul 6:9 - Perjanjian Baru Bahasa Melayu Maluku Utara

⁹ Tapi di situ me ada babarapa orang yang tara suka deng Stefanus pe bicara kong dorang baku malawang deng dia. Dorang itu orang agama Yahudi dari kota Kirene, dari kota Aleksandria deng ada lagi babarapa orang dari daera Kilikia deng daera Asia Kecil. Dorang itu perna jadi orang karja yang dong pe tuang so bili, tapi skarang so jadi orang bebas. Dorang pe ruma ibada pe nama ‘Ruma Ibada Libertini’.

Kisah Para Rasul 6:9 ပူးပေါင်းရင်းမြစ်များ

Matius 10:17

Ngoni musti ati-ati pa samua orang! Barang, ada orang-orang yang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi, pake tali yang ada barang tajam di dia pe ujung.

Matius 23:34

Karna itu, dengar bae-bae. Kita mo utus pa nabi-nabi, orang-orang pande, deng guru-guru agama Yahudi yang ahli lima kitab Musa. Ada babarapa dari dorang yang ngoni mo bunu, kong yang laeng ngoni mo kase salib. Ada laeng lagi pa ngoni pe ruma-ruma ibada yang ngoni mo pukul deng tali yang ada barang tajam di dia pe ujung. Kong ada lagi yang ngoni mo dusu-dusu mo siksa pa dorang dari satu kota pigi di kota yang laeng.

Matius 27:32

Waktu tentara-tentara bawa pa Yesus kaluar dari kota Yerusalem itu, dorang baku dapa deng satu orang dia pe nama Simon. Simon ini orang Kirene. Kong tentara-tentara itu paksa pa Simon la pikul Yesus pe salib.

Markus 13:9

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Lukas 21:12

Tapi kalu samua itu bolong jadi, ngoni akan dapa tangka deng dapa siksa karna ngoni percaya pa Kita. Dorang akan serakan pa ngoni di ruma-ruma ibada agama Yahudi, kong mo adili pa ngoni baru kase maso pa ngoni di penjara. Deng ngoni akan dapa kase mangada pa raja-raja deng pa gubernur-gubernur. Samua itu mo jadi pa ngoni, karna ngoni ada iko pa Kita.

Kisah Para Rasul 11:20

Tapi ada lagi babarapa orang percaya dari pulo Siprus deng kota Kirene yang pigi di Antiokhia. Di situ, dorang mulai kase tau Kabar Bae tentang Yesus Kristus pa orang-orang bukang Yahudi.

Kisah Para Rasul 13:1

Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

Kisah Para Rasul 13:45

Tapi waktu orang-orang Yahudi lia orang banya itu, dorang jadi mangiri pa Paulus deng Barnabas. Kong dorang mulai bahina deng malawang samua yang Paulus jaga bilang.

Kisah Para Rasul 15:23

Kong rasul-rasul deng penatua-penatua kase titip surat pa dorang dua untuk orang-orang yang percaya di kota Antiokhia, daera Siria deng daera Kilikia. Surat itu pe isi bagini, “Salam pa sudara-sudara yang percaya dari bangsa-bangsa yang bukang Yahudi. Torang rasul-rasul deng penatua-penatua di Yerusalem ada kirim surat ini pa ngoni.

Kisah Para Rasul 15:41

Turus dorang barangkat bakuliling di daera Siria deng di daera Kilikia, kong di tampa-tampa itu dorang dua kase kuat jemaat-jemaat pe percaya.

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Kisah Para Rasul 18:24

Ada satu orang Yahudi yang pe asal dari kota Aleksandria. Dia baru sampe di kota Efesus, dia pe nama Apolos. Dia pande bicara deng tau skali Kitab Suci pe isi.

Kisah Para Rasul 19:10

Dia jaga mangajar deng badiskusi di situ selama dua taong, sampe samua orang yang tinggal di daera Asia Kecil dapa dengar firman tentang Tuhan Yesus. Orang-orang yang badengar itu, orang Yahudi deng orang bukang Yahudi.

Kisah Para Rasul 19:26

Skarang, ngoni so lia deng so dengar sandiri, banya orang so mulai tara semba pa torang pe puji-puji Artemis, to? Itu samua gara-gara Paulus. Dia pengaru pa orang-orang, dia bilang kata, patong yang manusia biking itu tarada kuasa, jadi orang-orang tara bole puji. Dia bilang bagitu bukang cuma pa torang di kota Efesus sini, tapi amper di samua tampa di daera Asia Kecil.

Kisah Para Rasul 21:27

Waktu so mo abis tuju hari iko acara ‘biking bersi diri’ itu, orang-orang Yahudi yang datang dari daera Asia Kecil lia pa Paulus di dalam Ruma Ibada Pusat pe kompleks. Dorang kase-kase panas pa orang banya yang ada di situ, kong tangka pa dia.

Kisah Para Rasul 21:39

Paulus bilang, “Iyo bapa, bukang kita. Kita ini orang bangsa Yahudi, dari kota Tarsus, kota yang paling terkenal di daera Kilikia. Kita minta supaya kita bole bicara pa orang banya itu.”

Kisah Para Rasul 22:19

Kita bilang, ‘Tapi Tuhan, orang-orang di sini tau, bolong lama ini kita jaga kaluar maso di ruma-ruma ibada agama Yahudi untuk tangka pa orang-orang Yahudi yang percaya pa Tuhan Yesus, kita pukul pa dorang, deng kase maso pa dong di dalam penjara.

Kisah Para Rasul 22:3

“Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.

Kisah Para Rasul 23:34

Pe abis baca surat itu, gubernur tanya pa Paulus, “Ngana ini dari daera mana?” Paulus jawab, “Kita dari daera Kilikia.”

Kisah Para Rasul 24:18

Waktu kita ada biking samua itu di Ruma Ibada Pusat, tara banya orang yang sama-sama deng kita, deng kita me tara baribut. Kong waktu kita baru abis ‘biking bersi diri’ iko aturan agama Yahudi, babarapa orang Yahudi dari daera Asia Kecil datang di situ.

Kisah Para Rasul 26:11

Banya kali kita cari pa dorang di ruma-ruma ibada agama Yahudi. Kita siksa deng paksa pa dorang supaya dorang manyangkal pa Yesus. Kita tara suka skali deng ajaran itu, jadi kita salalu cari pa orang-orang yang percaya pa Yesus itu, sampe di kota-kota di luar torang orang Yahudi pe daera.”

Kisah Para Rasul 6:10

Tapi dorang tara mampo baku malawang deng Stefanus, barang Roh Kudus kuasai pa dia sampe dia pande bicara deng tau banya hal.

1 Korintus 1:20

Jadi, apa guna manusia pe pande? Apa guna guru-guru agama yang ahli lima kitab Musa? Deng, apa guna orang-orang yang pande bicara? Dorang pe pande itu dari dunia ini, kong Tuhan Allah so biking jadi tarada dia pe guna sama skali.

Galatia 1:21

Kong abis di Yerusalem itu, kita pigi di daera Siria deng daera Kilikia.