Kisah Para Rasul 6:5 - Perjanjian Baru Bahasa Melayu Maluku Utara

⁵ Samua orang percaya di situ, dong tarima bae usul itu. Jadi dorang pili tuju orang ini: Stefanus (yang butul-butul percaya pa Tuhan Yesus deng yang Roh Kudus kuasai), deng Filipus, Prokhorus, Nikanor, Timon, Parmenas, deng Nikolaus. (Nikolaus ini dari Antiokhia. Dia bukang orang Yahudi asli, tapi so maso agama Yahudi, kong so percaya pa Tuhan Yesus.)

Kisah Para Rasul 6:5 ပူးပေါင်းရင်းမြစ်များ

Matius 23:15

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni balayar di mana-mana, kaluar maso kampong cuma mo cari orang la iko ngoni pe ajaran. Tapi bagitu orang itu so jadi ngoni pe pengikut, ngoni biking dia jadi dua kali lebe jahat dari ngoni, ngoni so biking dia siap untuk maso neraka.

Kisah Para Rasul 11:19

Tempo hari, abis Stefanus dapa bunu, orang-orang laeng yang percaya pa Yesus me dapa siksa sampe dorang lari so tara baku tau. Ada yang lari sampe di daera Fenisia, pulo Siprus deng di kota Antiokhia di daera Siria. Orang-orang yang lari itu kase tau Kabar Bae tentang Yesus cuma pa orang-orang Yahudi saja.

Kisah Para Rasul 11:20

Tapi ada lagi babarapa orang percaya dari pulo Siprus deng kota Kirene yang pigi di Antiokhia. Di situ, dorang mulai kase tau Kabar Bae tentang Yesus Kristus pa orang-orang bukang Yahudi.

Kisah Para Rasul 11:22

Kabar tentang apa yang jadi di Antiokhia itu tasiar sampe di jemaat yang ada di Yerusalem. Pe dengar kabar itu, jemaat di situ utus pa Barnabas pigi di Antiokhia.

Kisah Para Rasul 11:24

Barnabas itu orang yang bae, Roh Kudus kuasai pa dia deng dia percaya skali pa Tuhan. Banya orang yang dengar pa dia jadi lebe percaya pa Tuhan Yesus.

Kisah Para Rasul 11:26

Barnabas deng Saulus tinggal sama-sama deng jemaat di situ, dia pe lama satu taong. Di situ dorang mangajar tentang Yesus pa orang banya. Di Antiokhia itu suda, orang-orang yang jaga iko Yesus pe ajaran yang kakamuka dapa sebut, Kristen.

Kisah Para Rasul 11:27

Waktu itu, babarapa nabi dari kota Yerusalem datang di Antiokhia, dorang ini yang jaga kase turus Tuhan Allah pe pasáng pa orang-orang.

Kisah Para Rasul 13:1

Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

Kisah Para Rasul 15:22

Abis Yakobus bicara itu, Yesus pe utusan-utusan yang orang sebut rasul-rasul, deng penatua-penatua, sama-sama deng samua orang percaya di situ, ambe keputusan la mo utus babarapa orang dari dorang pigi di kota Antiokhia sama-sama deng Paulus deng Barnabas. Dorang pili pa Yudas yang orang jaga pangge Barsabas, deng pa Silas. Dorang dua itu, ada nama bae di orang-orang yang percaya.

Kisah Para Rasul 2:4

Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.

Kisah Para Rasul 21:8

Dia pe beso, torang kase tinggal tampa itu kong bajalang kaki pigi di kota Kaisarea. Di situ torang tinggal di Filipus pe ruma. Dia itu orang yang jaga kase tau Kabar Bae pa orang-orang yang bolong dengar Kabar Bae itu, deng dia me satu dari tuju orang yang tapili di Yerusalem untuk kase bage-bage makanang pa janda-janda yang miskin.

Kisah Para Rasul 22:20

Dorang me tau lagi, waktu dorang kase mati pa Stefanus, Tuhan pe saksi, kita ada di situ kong kita me setuju deng yang dorang biking itu. Kita lagi yang jaga dorang pe baju waktu dorang bunu pa Stefanus.’

Kisah Para Rasul 6:10

Tapi dorang tara mampo baku malawang deng Stefanus, barang Roh Kudus kuasai pa dia sampe dia pande bicara deng tau banya hal.

Kisah Para Rasul 6:3

Jadi bagini sudara-sudara, lebe bae ngoni pili tuju orang dari ngoni. Dorang itu musti orang yang bae-bae, yang Roh Kudus kuasai pa dorang, deng dorang bijaksana untuk kase selesai masala. Orang-orang itu yang nanti torang kase tugas untuk urus orang miskin pe makang deng minum,

Kisah Para Rasul 6:8

Tuhan Allah kase Dia pe bae deng Dia pe kuasa pa Stefanus, sampe Stefanus biking mujizat-mujizat deng tanda-tanda yang kase tunju Tuhan Allah pe kuasa di banya orang pe muka.

Kisah Para Rasul 7:1

Kong imam basar tanya pa Stefanus, “Butul yang dong tudu pa ngana itu?”

Wahyu 2:15

Ada lagi babarapa orang dari ngoni yang jaga iko Nikolaus pe ajaran sesat.

Wahyu 2:6

Tapi ada yang ngoni jaga biking yang Kita sanang, ngoni tara suka Nikolaus pe ajaran yang dia pe orang-orang jaga iko. Kita me tara suka yang dorang biking itu.