Kisah Para Rasul 6:2 - Perjanjian Baru Bahasa Melayu Maluku Utara

² Jadi, Yesus pe utusan-utusan yang orang sebut rasul-rasul, dorang dua blas orang itu pangge pa samua orang yang so percaya pa Tuhan Yesus bakumpul, kong dorang bilang bagini, “Torang dua blas orang ini pe tugas musti kase tau turus Kabar Bae dari Tuhan Allah pa orang-orang. So sala skali kalu torang berenti kase tau Kabar Bae, cuma gara-gara mo urus orang-orang pe makang deng minum saja.

Kisah Para Rasul 6:2 ပူးပေါင်းရင်းမြစ်များ

Kisah Para Rasul 21:22

Jadi, skarang bagimana? Pasti orang-orang Yahudi laeng mo dengar kabar tara butul itu kong dong mara, turus datang kamari. Torang musti biking apa supaya dorang tau bapa masi tetap iko aturan di lima kitab Musa.

Kisah Para Rasul 25:27

Barang kita pikir, tara maso akal kalu kita kirim tahanan satu pa raja basar Roma, tapi tarada dia pe kajahatan yang kita mo kase tau pa dia.”

Kisah Para Rasul 4:19

Tapi Petrus deng Yohanes bilang pa dorang, “Coba bapa-bapa pikir. Mana yang lebe butul pa Tuhan Allah pe muka: iko bapa-bapa pe parenta atau iko Tuhan Allah pe parenta?

Kisah Para Rasul 6:1

Waktu itu, orang-orang yang percaya pa Tuhan Yesus so tatamba banya, kong dorang samua orang Yahudi. Ada yang tinggal di Yerusalem yang pake bahasa Ibrani, deng ada lagi yang tinggal di luar Yerusalem yang pake bahasa Yunani. Tapi, di antara dorang itu, ada masala. Yang pake bahasa Yunani tara sanang pa orang-orang yang pake bahasa Ibrani, gara-gara tiap hari waktu orang-orang percaya kase bage makanang pa janda-janda, dorang pe janda-janda tara dapa bagian yang sama deng orang-orang yang pake bahasa Ibrani pe janda-janda.

Kisah Para Rasul 6:3

Jadi bagini sudara-sudara, lebe bae ngoni pili tuju orang dari ngoni. Dorang itu musti orang yang bae-bae, yang Roh Kudus kuasai pa dorang, deng dorang bijaksana untuk kase selesai masala. Orang-orang itu yang nanti torang kase tugas untuk urus orang miskin pe makang deng minum,

2 Timotius 2:4

Kalu tentara yang sementara biking dia pe tugas, dia tara bapusing deng urusan-urusan laeng. Dia cuma biking dia pe tugas, supaya dia pe komandan sanang pa dia. Torang musti biking bagitu la kase sanang torang pe Tuhan saja.