Kisah Para Rasul 6:1 - Perjanjian Baru Bahasa Melayu Maluku Utara

¹ Waktu itu, orang-orang yang percaya pa Tuhan Yesus so tatamba banya, kong dorang samua orang Yahudi. Ada yang tinggal di Yerusalem yang pake bahasa Ibrani, deng ada lagi yang tinggal di luar Yerusalem yang pake bahasa Yunani. Tapi, di antara dorang itu, ada masala. Yang pake bahasa Yunani tara sanang pa orang-orang yang pake bahasa Ibrani, gara-gara tiap hari waktu orang-orang percaya kase bage makanang pa janda-janda, dorang pe janda-janda tara dapa bagian yang sama deng orang-orang yang pake bahasa Ibrani pe janda-janda.

Kisah Para Rasul 6:1 ပူးပေါင်းရင်းမြစ်များ

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Kisah Para Rasul 11:20

Tapi ada lagi babarapa orang percaya dari pulo Siprus deng kota Kirene yang pigi di Antiokhia. Di situ, dorang mulai kase tau Kabar Bae tentang Yesus Kristus pa orang-orang bukang Yahudi.

Kisah Para Rasul 11:26

Barnabas deng Saulus tinggal sama-sama deng jemaat di situ, dia pe lama satu taong. Di situ dorang mangajar tentang Yesus pa orang banya. Di Antiokhia itu suda, orang-orang yang jaga iko Yesus pe ajaran yang kakamuka dapa sebut, Kristen.

Kisah Para Rasul 11:29

Pe dengar bagitu, orang-orang yang percaya pa Yesus ambe keputusan la mo kumpul doi sumbangan kong kirim pa orang-orang yang percaya yang tinggal di daera Yudea. Dorang kase itu, iko dorang pe kemampuan masing-masing.

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 2:45

Ada dari dorang yang jual dorang pe harta, kong doi itu dong kase bage-bage iko orang-orang itu pe perlu.

Kisah Para Rasul 2:47

Dorang salalu puji pa Tuhan Allah, deng orang banya suka pa dorang. Kong tiap hari, Tuhan biking sampe orang yang percaya pa Dia tatamba turus supaya dorang dapa slamat dari dosa-dosa.

Kisah Para Rasul 4:35

dorang bawa kong kase pa rasul-rasul itu. Turus, rasul-rasul kase bage-bage doi itu pa orang-orang iko dong pe perlu.

Kisah Para Rasul 4:4

Tapi orang-orang yang dengar Petrus deng Yohanes pe ajaran itu, banya yang jadi percaya pa Yesus. Laki-laki yang percaya waktu itu, dorang pe banya kira-kira lima ribu orang.

Kisah Para Rasul 5:14

Deng tiap hari orang yang percaya pa Tuhan Yesus lebe tatamba banya, laki-laki deng parampuang.

Kisah Para Rasul 5:28

Dia bilang, “Torang so larang karas pa ngoni to, jang mangajar lagi tentang Orang itu. Tapi ngoni tetap biking turus, sampe samua orang di Yerusalem so dengar ngoni pe ajaran itu. Baru ngoni kase sala lagi pa torang, bilang kata, gara-gara torang sampe Orang itu mati.”

Kisah Para Rasul 6:2

Jadi, Yesus pe utusan-utusan yang orang sebut rasul-rasul, dorang dua blas orang itu pangge pa samua orang yang so percaya pa Tuhan Yesus bakumpul, kong dorang bilang bagini, “Torang dua blas orang ini pe tugas musti kase tau turus Kabar Bae dari Tuhan Allah pa orang-orang. So sala skali kalu torang berenti kase tau Kabar Bae, cuma gara-gara mo urus orang-orang pe makang deng minum saja.

Kisah Para Rasul 6:7

Mulai dari situ, Tuhan Allah pe firman lebe tamba tasiar, kong orang-orang di Yerusalem yang percaya pa Tuhan Yesus lebe tamba banya. Imam-imam Yahudi me banya yang jadi percaya pa Yesus.

Kisah Para Rasul 9:29

Saulus me baku tanya jawab deng orang-orang agama Yahudi yang bicara pake bahasa Yunani. Tapi dorang tara tarima yang Saulus bilang, kong dorang cari jalang mo bunu pa dia.

Kisah Para Rasul 9:39

Pe dengar bagitu, Petrus langsung pigi sama-sama deng dorang. Pe sampe di Yope, dorang antar pa Petrus di kamar di lante atas, tampa yang dorang taru Talita pe mayat. Turus janda-janda yang ada di situ badekat pa Petrus, kong deng mamanangis dorang kase tunju pa Petrus baju-baju deng pakeang laeng yang Tabita biking waktu dia masi hidup.

Kisah Para Rasul 9:41

Turus Petrus pegang Tabita pe tangan kong bantu kase badiri pa dia. Abis itu, Petrus pangge pa janda-janda deng pa orang-orang yang so jadi Tuhan Allah pe umat, kong kase tunju pa dorang, Tabita so hidup ulang.

Roma 12:7

Kalu Tuhan Allah so kase karunia pa torang untuk tolong orang, torang musti tolong orang. Kalu Tuhan Allah so kase karunia pa torang untuk mangajar, torang musti mangajar.

1 Korintus 10:10

Deng torang lagi tara bole mengelu, sama deng babarapa orang dari dorang jaga biking. Karna itu, malaekat maut kase mati pa dorang.

2 Korintus 11:22

Dorang puji dong pe diri, barang dorang dari bangsa Ibrani, orang Israel pe turunan, deng Abraham pe turunan. Tapi biar bagitu, kita me bole puji kita pe diri sama deng dorang, karna kita me dari bangsa Ibrani, kita me orang Israel pe turunan, deng kita me Abraham pe turunan.

Filipi 3:5

Kita ini dapa sunat waktu kita pe umur delapan hari iko aturan di lima kitab Musa. Kita ini dari bangsa Israel yang orang jaga bilang lagi orang Ibrani. Jadi kita ini butul-butul orang Ibrani asli dari suku Benyamin. Kita ini lagi dari aliran Farisi yang pegang kuat aturan-aturan di lima kitab Musa.

1 Timotius 5:3

Ngana musti hormati janda-janda deng perhatikan dong pe keperluan, lebe-lebe yang so tarada orang yang bantu pa dorang.

1 Timotius 5:9

Janda yang jemaat daftar mo bantu itu, dia pe sarat bagini: umur anam pulu taong ka atas, selama dia masi baruma tangga, dia setia deng laki satu,

Ibrani 13:1

Ngoni musti tetap baku-baku sayang turus e, karna ngoni orang yang sama-sama percaya pa Tuhan!

Yakobus 1:27

Tapi ibada yang butul yang torang musti biking pa Tuhan Allah, torang pe Bapa pe muka itu, bagini: tolong pa ana-ana yang dong pe orang tua so tarada, tolong pa janda-janda yang susa, deng jaga diri bae-bae la tara tagoda iko dunia pe mau yang jahat.

Yakobus 4:5

Jang ngoni kira kata tarada arti deng apa yang tatulis di Kitab Suci ini, “Tuhan Allah pe Roh yang Dia taru di torang pe hati, Roh itu mau torang pe sayang cuma untuk Tuhan Allah saja. Dia cemburu kalu torang iko dunia pe mau.”

Yakobus 5:9

Sudara-sudara, jang ngoni mengelu deng baku tudu, supaya ngoni tara dapa hukum. Inga e, Tuhan so mo datang ulang. Dia sama deng hakim yang mo adili pa samua orang.