Kisah Para Rasul 5:40 - Perjanjian Baru Bahasa Melayu Maluku Utara

⁴⁰ Turus, dorang pangge pa rasul-rasul itu kong dong cuma suru pukul pa dorang deng tali. Dorang me larang pa rasul-rasul itu, supaya jang kase ajar tentang Yesus pa orang-orang. Abis itu, dorang kase bebas pa rasul-rasul itu.

Kisah Para Rasul 5:40 ပူးပေါင်းရင်းမြစ်များ

Matius 10:17

Ngoni musti ati-ati pa samua orang! Barang, ada orang-orang yang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi, pake tali yang ada barang tajam di dia pe ujung.

2 Korintus 11:24

So lima kali orang Yahudi yang satu bangsa deng kita tangka kong siksa pa kita. Tiap kali dong tangka, dong pukul pa kita tiga pulu sembilan kali deng tali yang ada barang tajam di dia pe ujung.

Kisah Para Rasul 5:28

Dia bilang, “Torang so larang karas pa ngoni to, jang mangajar lagi tentang Orang itu. Tapi ngoni tetap biking turus, sampe samua orang di Yerusalem so dengar ngoni pe ajaran itu. Baru ngoni kase sala lagi pa torang, bilang kata, gara-gara torang sampe Orang itu mati.”

Markus 13:9

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Lukas 20:10

Waktu so musim bapete anggur, dia suru dia pe orang karja satu pigi pa orang-orang yang jaga kobong itu, supaya dorang kase dia pe bagian dari kobong pe hasil. Tapi dorang cuma pukul pa dia, kong suru dia pulang tara bawa apa-apa.

Matius 23:34

Karna itu, dengar bae-bae. Kita mo utus pa nabi-nabi, orang-orang pande, deng guru-guru agama Yahudi yang ahli lima kitab Musa. Ada babarapa dari dorang yang ngoni mo bunu, kong yang laeng ngoni mo kase salib. Ada laeng lagi pa ngoni pe ruma-ruma ibada yang ngoni mo pukul deng tali yang ada barang tajam di dia pe ujung. Kong ada lagi yang ngoni mo dusu-dusu mo siksa pa dorang dari satu kota pigi di kota yang laeng.

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”