Kisah Para Rasul 5:4 - Perjanjian Baru Bahasa Melayu Maluku Utara

⁴ Bagini Ananias, tana itu ngana tara jual me tetap ngana punya. Deng biar ngana jual me, doi tana itu tetap ngana pe hak. Ngana mo pake bili apa saja tersera pa ngana. Tapi, bikiapa kong ngana ada rencana yang tara bae di ngana pe hati? Ngana bukang bafoya pa manusia saja tapi ngana bafoya pa Tuhan Allah.”

Kisah Para Rasul 5:4 ပူးပေါင်းရင်းမြစ်များ

Lukas 10:16

Abis itu, Yesus babale bilang ulang pa orang-orang yang ada iko pa Dia, “Orang yang dengar pa ngoni, itu sama saja deng dia dengar pa Kita. Orang yang tolak pa ngoni, dia itu me so tolak pa Kita. Sapa tolak pa Kita, dia itu me so tolak pa Tuhan Allah yang utus pa Kita.”

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Kisah Para Rasul 5:9

Petrus bilang pa dia, “Bikiapa kong ngoni dua satu hati mo coba Tuhan pe Roh? Coba ngana lia! Orang-orang yang baru kubur ngana pe laki itu so badiri di muka pintu. Dorang me mo bawa pa ngana la mo kubur.”

1 Korintus 8:8

Sebenarnya, makanang itu sandiri tara biking tong pe hubungan lebe dekat deng Tuhan Allah. Torang tara rugi kalu tara makang, deng tong tara untung lagi kalu tong makang.

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

Filemon 1:14

Tapi kalu ngana tara setuju, kita tara mo suru dia tinggal la bantu deng kita di sini. Kita mau ngana sandiri yang suru pa dia, supaya tara kantara kita paksa pa ngana la suru dia tinggal.

Yakobus 1:15

Kong kalu orang itu so iko dia pe mau yang jahat, itu dia so berdosa. Jadi kalu dosa itu so kuasai pa dia, dia itu akan mati tapisa deng Tuhan Allah sampe slama-lamanya.