Kisah Para Rasul 5:30 - Perjanjian Baru Bahasa Melayu Maluku Utara

³⁰ Tuhan Allah yang torang samua pe orang tua dulu-dulu jaga semba, Dia itu yang so kase hidup ulang pa Yesus yang ngoni bunu di kayu salib.

Kisah Para Rasul 5:30 ပူးပေါင်းရင်းမြစ်များ

Lukas 1:55

pa torang pe orang tua dulu-dulu itu, Abraham deng dia pe turunan. Janji itu memang Tuhan so bilang dari dulu, kong berlaku sampe slama-lamanya.”

Lukas 1:72

Tuhan mo biking bagitu, karna Dia tara lupa yang Dia janji pa torang pe orang tua dulu-dulu. Dia inga Dia pe janji yang kudus itu deng cara kase tunju Dia pe sayang pa dorang.

Kisah Para Rasul 10:39

Torang ini Tuhan Yesus pe utusan-utusan yang orang sebut rasul-rasul. Torang yang lia deng torang pe mata kapala sandiri, samua yang Yesus biking di Yerusalem deng di samua daera yang torang orang Yahudi tinggal. Tapi orang-orang Yahudi di Yerusalem so bunu pa Dia deng cara paku pa Dia di kayu salib.

Kisah Para Rasul 13:33

Janji itu Tuhan Allah so biking pa torang, dorang pe ana cucu, deng cara so kase hidup ulang pa Yesus. Itu sama deng yang tatulis di kitab Mazmur, di situ Tuhan Allah bilang bagini tentang Yesus, ‘Ngana Kita pe Ana, hari ini Kita so jadi Ngana pe Papa.’

Kisah Para Rasul 2:32

Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang.

Kisah Para Rasul 22:14

Abis itu, Ananias bilang pa kita bagini, ‘Tuhan Allah yang torang orang Yahudi pe orang tua dulu-dulu jaga semba, Dia itu so pili pa ngana supaya ngana tau Dia pe mau. Dia me pili pa ngana supaya ngana lia pa Orang yang Butul itu, deng supaya ngana dengar Dia pe suara.

Kisah Para Rasul 3:26

Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”

Galatia 3:13

Kong torang samua pantas dapa kutuk karna torang tara mampo iko samua aturan di lima kitab Musa. Tapi biar bagitu me, Yesus Kristus kase Dia pe diri mati la kase bebas pa torang dari kutuk itu, deng cara Dia kase Dia pe diri dapa kutuk mati untuk torang. Karna di Kitab Suci ada tatulis bagini, “Orang yang dapa hukum mati di kayu salib, dia itu sama deng dapa kutuk dari Tuhan Allah.”

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.