Kisah Para Rasul 5:3 - Perjanjian Baru Bahasa Melayu Maluku Utara

³ Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Kisah Para Rasul 5:3 ပူးပေါင်းရင်းမြစ်များ

Matius 13:19

Bibit yang jatu di jalang itu sama deng orang-orang yang dengar firman tentang Tuhan Allah Berkuasa sebagai Raja, tapi dorang tara mangarti butul-butul. Pe abis dorang dengar firman Tuhan itu, Iblis, setang-setang pe raja datang kong ambe firman itu dari dorang pe hati.

Lukas 22:3

Ada satu dari Yesus pe dua blas murit, dia pe nama Yudas Iskariot. Waktu itu, Iblis maso pa Yudas pe hati,

Yohanes 13:2

Yesus deng Dia pe murit-murit sementara makang malam sama-sama. Waktu dorang bolong makang, Iblis, setang-setang pe raja so taru pikiran jahat pa Yudas pe hati. Yudas itu Simon Iskariot pe ana. Iblis pengaru pa dia supaya bahianat pa Yesus.

Yohanes 13:27

Abis Yudas tarima roti itu, Iblis maso kong kuasai pa dia. Turus Yesus bilang pa dia, “Apa yang ngana mo biking, biking suda capat.”

Kisah Para Rasul 5:2

Kong doi dari hasil jual tana itu, ada yang Ananias so tahang, kong dia pe bini me tau itu, baru dia pe sisa dia kase pa Yesus pe utusan-utusan yang orang sebut rasul-rasul.

Kisah Para Rasul 5:4

Bagini Ananias, tana itu ngana tara jual me tetap ngana punya. Deng biar ngana jual me, doi tana itu tetap ngana pe hak. Ngana mo pake bili apa saja tersera pa ngana. Tapi, bikiapa kong ngana ada rencana yang tara bae di ngana pe hati? Ngana bukang bafoya pa manusia saja tapi ngana bafoya pa Tuhan Allah.”

Kisah Para Rasul 5:9

Petrus bilang pa dia, “Bikiapa kong ngoni dua satu hati mo coba Tuhan pe Roh? Coba ngana lia! Orang-orang yang baru kubur ngana pe laki itu so badiri di muka pintu. Dorang me mo bawa pa ngana la mo kubur.”

Yakobus 4:7

Jadi serakan suda ngoni pe diri pa Tuhan Allah kong iko pa Dia. Ngoni lawan suda pa Iblis, setang-setang pe raja supaya dia akan lari dari ngoni.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.