Kisah Para Rasul 5:2 - Perjanjian Baru Bahasa Melayu Maluku Utara

² Kong doi dari hasil jual tana itu, ada yang Ananias so tahang, kong dia pe bini me tau itu, baru dia pe sisa dia kase pa Yesus pe utusan-utusan yang orang sebut rasul-rasul.

Kisah Para Rasul 5:2 ပူးပေါင်းရင်းမြစ်များ

Matius 23:5

Samua yang dorang biking, dorang biking cuma supaya orang puji pa dorang. Macam deng dong pe pangika kapala deng tangan, yang dong tulis isi Kitab Suci kong dong biking kase lebar-lebar. Turus, dorang pe juba pe banang-banang me dong biking kase lebe panjang supaya orang tau kata, dong iko pa Tuhan deng bae.

Yohanes 12:6

Sebenarnya Yudas bilang bagitu bukang karna dia peduli pa orang-orang miskin, tapi karna dia papancuri, dia jaga ambe dari dorang pe doi kas yang dia pegang.

Kisah Para Rasul 2:44

Samua orang yang so percaya pa Yesus itu salalu bakumpul deng baku bawa bae-bae, kong harta apa saja yang dong punya, dorang pake sama-sama.

Kisah Para Rasul 4:37

Yusuf ini ada jual dia pe kobong, kong dia pe doi itu dia serakan pa rasul-rasul.

Kisah Para Rasul 5:1

Ada laki-laki satu, dia pe nama Ananias. Dia pe bini pe nama Safira. Dorang dua jual dong pe tana.

Kisah Para Rasul 5:3

Kong Petrus bilang, “Ananias, bikiapa kong ngana kase biar Iblis, setang-setang pe raja kuasai ngana pe hati, sampe ngana so bafoya pa Roh Kudus? Doi hasil jual tana itu ada yang ngana so tahang, to? Tapi ngana bilang kata, so kase samua pa torang.

Kisah Para Rasul 5:8

Kong Petrus bilang pa dia, “Coba ngana kase tau pa kita, butul tana itu pe harga bagini?” Safira bilang, “Butul, dia pe harga itu suda.”

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

1 Timotius 6:10

Karna orang yang gila doi, dorang itu mo biking macam-macam kajahatan. Dorang itu so tara percaya lagi Yesus pe ajaran karna dorang berusaha mo jadi kaya. Jadi dia pe ahir kabawa, dorang dapa sengsara skali yang biking sampe dong pe hati saki.