Kisah Para Rasul 5:18 - Perjanjian Baru Bahasa Melayu Maluku Utara

¹⁸ Jadi, dorang tangka pa rasul-rasul itu, turus kase maso pa dorang di penjara.

Kisah Para Rasul 5:18 ပူးပေါင်းရင်းမြစ်များ

Matius 4:12

Waktu itu, Yesus dapa dengar, Yohanes Pembaptis dapa maso di penjara. Pe dengar kabar itu, Dia pulang di kampong Nazaret di daera Galilea.

Lukas 21:12

Tapi kalu samua itu bolong jadi, ngoni akan dapa tangka deng dapa siksa karna ngoni percaya pa Kita. Dorang akan serakan pa ngoni di ruma-ruma ibada agama Yahudi, kong mo adili pa ngoni baru kase maso pa ngoni di penjara. Deng ngoni akan dapa kase mangada pa raja-raja deng pa gubernur-gubernur. Samua itu mo jadi pa ngoni, karna ngoni ada iko pa Kita.

Kisah Para Rasul 4:3

Kong, orang banya itu tangka pa Petrus deng Yohanes, tapi dorang bolong dapa urus karna so malam, jadi dorang dua dapa tahang sampe beso pagi.

Kisah Para Rasul 8:3

Tapi biar bagitu me, Saulus masi tetap berusaha mo bunu kase abis pa orang-orang yang percaya pa Tuhan Yesus itu. Dia cari di ruma-ruma kong hela kase kaluar pa dorang, bae itu laki-laki atau parampuang, turus dia kase maso pa dorang di penjara.

2 Korintus 11:23

Dorang bilang dorang itu orang-orang yang jaga biking apa yang Yesus Kristus suru. Tapi kita, kita ini orang yang jaga biking apa yang Yesus Kristus suru, lebe dari dorang itu. (Kita bicara ini sama deng orang yang so tara waras bicara!) Tapi sebenarnya kita ini yang karja karas lebe dari dorang itu, sampe banya kali kita maso penjara, banya kali kita dapa pukul deng dapa siksa sampe tara mampo hitung, kong banya kali lagi kita amper mati.

Ibrani 11:36

Ada lagi orang yang karna dorang percaya pa Tuhan Allah, dorang dapa hina deng ada yang dapa pukul deng tali yang ada barang tajam di dia pe ujung, sampe ada yang dapa rante kong dapa maso penjara.

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.