Kisah Para Rasul 4:5 - Perjanjian Baru Bahasa Melayu Maluku Utara

⁵ Dia pe beso pagi, pemimpin-pemimpin agama Yahudi, tua-tua Yahudi deng guru-guru agama yang ahli lima kitab Musa, dorang samua bakumpul untuk urus perkara itu di Yerusalem.

Kisah Para Rasul 4:5 ပူးပေါင်းရင်းမြစ်များ

Markus 15:1

Waktu masi pagi-pagi skali, imam-imam kapala bakumpul lagi deng tua-tua Yahudi, guru-guru agama Yahudi yang ahli lima kitab Musa, deng samua anggota laeng di Mahkama Agama itu. Di situ, dorang ambe satu keputusan. Jadi dorang ika pa Yesus kong dong bawa, turus serakan pa Pilatus la dia yang hukum mati pa Yesus.

Lukas 20:1

Satu kali bagini, Yesus mangajar di Ruma Ibada Pusat pe kompleks. Dia ada kase tau pa dorang Kabar Bae dari Tuhan Allah. Waktu Yesus sementara mangajar, imam-imam kapala, guru-guru agama Yahudi yang ahli lima kitab Musa, deng tua-tua Yahudi datang di situ.

Lukas 22:66

Waktu masi pagi-pagi skali, tua-tua Yahudi, imam-imam kapala, deng guru-guru agama Yahudi yang ahli lima kitab Musa, dorang samua bakumpul untuk urus Yesus pe masala. Kumpulan itu pe nama Mahkama Agama. Kong ada yang bawa pa Yesus mangada pa dorang.

Lukas 23:13

Abis itu, gubernur Pilatus pangge pa imam-imam kapala, pemimpin-pemimpin Yahudi deng orang-orang Yahudi yang laeng bakumpul pa dia pe istana.

Lukas 24:20

Tapi torang agama Yahudi pe imam-imam kapala deng pemimpin-pemimpin Yahudi so serakan Dia pa pemerinta Roma la dapa hukum mati, kong dorang salib pa Dia.

Kisah Para Rasul 4:8

Di situ Roh Kudus kuasai pa Petrus, jadi dia jawab bagini, “Ee, agama Yahudi pe pemimpin-pemimpin deng tua-tua.

Kisah Para Rasul 5:34

Tapi ada satu orang dari aliran Farisi di Mahkama Agama itu, dia pe nama Gamaliel. Dia ini guru agama Yahudi yang ahli lima kitab Musa, deng orang-orang hormati pa dia. Dia badiri, turus suru orang-orang kase kaluar rabu-rabu pa rasul-rasul dari situ.

Kisah Para Rasul 6:12

Deng cara bagitu, dorang pengaru pa orang-orang Yahudi, tua-tua Yahudi deng guru-guru agama Yahudi yang ahli lima kitab Musa, sampe dorang dapa jalang tangka pa Stefanus. Dorang hela, kong bawa pa dia kase mangada di agama Yahudi pe kumpulan yang paling tinggi yang pe nama Mahkama Agama.