Kisah Para Rasul 4:34 - Perjanjian Baru Bahasa Melayu Maluku Utara

³⁴ Dari dorang yang ada di situ, tara satu orang yang kekurangan apa-apa. Barang, orang-orang yang ada tana atau ruma, dorang jaga jual dorang pe tana atau ruma itu. Turus, dia pe doi itu,

Kisah Para Rasul 4:34 ပူးပေါင်းရင်းမြစ်များ

Matius 19:21

Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Markus 10:21

Yesus lia pa orang itu deng rasa kasiang, kong bilang pa dia, “Tapi masi ada satu yang ngana bolong biking. Ngana pigi suda kong jual samua ngana pe harta la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Lukas 16:9

Jadi ini yang Kita mo bilang pa ngoni: pake ngoni pe harta dunia untuk tolong orang supaya bole dapa banya tamang. Jadi kalu ngoni pe harta so abis, ngoni nanti mo dapa tarima di ngoni pe tampa tinggal di sorga.

Lukas 22:35

Abis itu, Yesus bilang pa Dia pe murit-murit bagini, “Dulu, waktu Kita utus pa ngoni bawa Kabar Bae dari Tuhan Allah, kong Kita tara kase ijin ngoni bawa dompet, tas, deng sandal. Waktu itu, apa ngoni ada kurang apa-apa?” Dorang jawab, “Tarada, torang tara kurang apa-apa.”

Kisah Para Rasul 2:45

Ada dari dorang yang jual dorang pe harta, kong doi itu dong kase bage-bage iko orang-orang itu pe perlu.

Kisah Para Rasul 4:37

Yusuf ini ada jual dia pe kobong, kong dia pe doi itu dia serakan pa rasul-rasul.

2 Korintus 8:14

Jadi skarang kalu ngoni ada lebe, ngoni bisa kase cukup pa dorang di Yerusalem pe kekurangan, supaya nanti, kalu apa yang lebe pa dorang, dong bisa kase cukup lagi ngoni pe kekurangan. Deng bagitu, torang bisa pikul sama-sama torang pe susa.

1 Tesalonika 4:12

Deng ngoni hidup bagitu, orang-orang yang tara percaya pa Tuhan Yesus akan hormati pa ngoni, karna ngoni pe cara hidup itu bagus deng ngoni tara baharap pa orang laeng.

1 Timotius 6:19

Kalu dorang biking bagitu, itu sama deng dorang so kumpul harta yang paling bagus di sorga la jadi dasar untuk dorang pe hidup nanti deng Tuhan Allah slama-lamanya. Itu suda hidup yang sebenarnya.

Yakobus 1:27

Tapi ibada yang butul yang torang musti biking pa Tuhan Allah, torang pe Bapa pe muka itu, bagini: tolong pa ana-ana yang dong pe orang tua so tarada, tolong pa janda-janda yang susa, deng jaga diri bae-bae la tara tagoda iko dunia pe mau yang jahat.