Kisah Para Rasul 4:31 - Perjanjian Baru Bahasa Melayu Maluku Utara

³¹ Pe abis berdoa, ruma yang dorang pake bakumpul itu tagoyang, kong Roh Kudus kuasai pa dorang samua. Abis itu, dorang pigi kase tau Tuhan Allah pe Kabar Bae tentang Yesus pa orang-orang deng barani.

Kisah Para Rasul 4:31 ပူးပေါင်းရင်းမြစ်များ

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Yohanes 14:12

Inga bae-bae yang Kita mo bilang pa ngoni ini. Sapa saja yang percaya pa Kita, orang itu butul-butul mo biking apa saja yang Kita so biking. Mala, dia bole biking yang lebe basar lagi dari yang Kita so biking, karna Kita pigi pa Kita pe Bapa.

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Kisah Para Rasul 14:3

Jadi Paulus deng Barnabas tinggal sadiki lama di kota itu. Deng barani dorang tetap kase tau Kabar Bae tentang Tuhan Yesus pa orang-orang. Tuhan me kase kuasa pa dorang la dong biking mujizat-mujizat deng tanda-tanda supaya orang-orang di sana bole tau, yang dorang kase tau tentang Tuhan pe bae itu butul.

Kisah Para Rasul 2:1

Waktu orang Yahudi biking dorang pe sukur bapanen yang dong sebut hari raya Pentakosta, samua orang yang percaya pa Yesus bakumpul di ruma satu di Yerusalem.

Kisah Para Rasul 2:2

Kage-kage dorang dengar ada bunyi dari langit sama deng angin ribut. Dia pe babunyi kuat skali sampe dapa dengar di samua tampa yang dong ada dudu di dalam ruma itu.

Kisah Para Rasul 2:4

Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.

Kisah Para Rasul 4:13

Orang-orang yang urus Petrus deng Yohanes pe perkara itu jadi herang, karna dorang lia Petrus deng Yohanes barani skali bicara. Apalagi dorang tau dong dua itu orang biasa yang tara skola. Dari situ baru dorang kanal, dua orang itu yang jaga iko-iko pa Yesus.

Kisah Para Rasul 4:29

Jadi skarang Tuhan, tolong lia dorang pe ancaman-ancaman itu, kong kase kuat pa torang, orang yang jaga biking apa yang Tuhan suru, supaya jang torang tako tapi torang tamba barani kase tau Tuhan pe Kabar Bae di mana-mana.

Filipi 1:14

Kong gara-gara kita dapa kase maso di penjara, itu yang biking banya sudara yang percaya yang tinggal di kota ini lebe tatamba kuat percaya pa Tuhan, sampe dorang lagi lebe barani kase tau Kabar Bae tentang Yesus Kristus deng tara tako-tako lagi.

Filipi 1:20

Kong yang butul-butul kita ingin deng harap itu, kita barani biking apa saja yang Yesus Kristus suru pa kita, sama deng yang kita so biking dari dulu, supaya kita tara biking apa-apa yang biking malu kita pe diri. Yang penting itu Yesus Kristus dapa puji deng hormat dalam kita pe hidup, waktu kita masi hidup atau kita so mati.

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.