Kisah Para Rasul 4:30 - Perjanjian Baru Bahasa Melayu Maluku Utara

³⁰ Tuhan, kase pa torang kuasa la torang bole kase sembu pa orang-orang saki, biking mujizat-mujizat deng tanda-tanda yang laeng yang kase tunju Yesus pe kuasa sampe orang jadi herang. Yesus itu kudus deng yang jaga biking apa yang Tuhan Allah suru.”

Kisah Para Rasul 4:30 ပူးပေါင်းရင်းမြစ်များ

Yohanes 4:48

Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Kisah Para Rasul 2:43

Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah.

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Kisah Para Rasul 3:16

Jadi skarang, orang ini yang ngoni so tau dulu dia lumpu, ngoni lia dia so sembu. Dia so sembu karna dia so percaya pa Yesus. Dia sembu bukang karna torang pe kuasa, tapi karna Yesus pe kuasa yang biking dia sembu.

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Kisah Para Rasul 4:10

Jadi, bapa-bapa deng samua orang Israel musti tau, orang itu bisa sembu deng badiri pa ngoni pe muka, itu karna Yesus Kristus orang Nazaret itu pe kuasa. Yesus itu yang ngoni so kase salib, tapi Tuhan Allah so kase hidup ulang pa Dia.

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.

Kisah Para Rasul 5:12

Waktu itu lagi, Yesus pe rasul-rasul biking banya mujizat deng tanda-tanda yang kase tunju Tuhan Allah pe kuasa di orang banya pe muka. Samua orang percaya, dorang satu hati bakumpul di Ruma Ibada Pusat pe teras, yang pe nama, ‘Teras Salomo’.

Kisah Para Rasul 6:8

Tuhan Allah kase Dia pe bae deng Dia pe kuasa pa Stefanus, sampe Stefanus biking mujizat-mujizat deng tanda-tanda yang kase tunju Tuhan Allah pe kuasa di banya orang pe muka.