Kisah Para Rasul 3:25 - Perjanjian Baru Bahasa Melayu Maluku Utara

²⁵ Dorang so bilang kamuka Tuhan Allah pe janji tentang Yesus pa torang pe orang tua dulu-dulu, kong ngoni ini suda so dapa bagian dari janji itu. Janji itu, dulu Tuhan Allah bilang pa Abraham bagini, ‘Dari ngana pe turunan, samua bangsa di dunia ini mo dapa berkat.’

Kisah Para Rasul 3:25 ပူးပေါင်းရင်းမြစ်များ

Kisah Para Rasul 2:39

Barang, samua itu Tuhan Allah so janji pa ngoni deng pa ngoni pe turunan, deng pa orang-orang bukang Yahudi lagi. Janji itu Tuhan Allah mo kase pa samua orang yang Dia pangge iko pa Dia.”

Galatia 3:8

Di Kitab Suci, torang bole tau, dari dulu Tuhan Allah so rencana mo biking orang-orang bukang Yahudi itu jadi orang yang tara sala pa Dia pe muka, asal dorang percaya pa Yesus Kristus. Tuhan Allah so kase tau Kabar Bae tentang Yesus Kristus itu lebe kamuka pa Abraham bagini, “Dari ngana, samua suku bangsa di dunia mo dapa berkat.”

Wahyu 7:9

Abis itu, kita lia ada orang pe banya skali, sampe tara mampo mo rekeng pa dorang. Dorang itu dari samua bangsa, suku bangsa, fam deng bahasa. Dorang samua badiri di muka Tuhan Allah pe kursi raja deng di muka Anak Domba itu. Dorang pake juba puti deng masing-masing orang ada pegang daong-daong palem.

Galatia 3:16

Bagitu lagi deng Tuhan Allah pe janji-janji yang Dia biking pa Abraham deng Abraham pe turunan. Di Kitab Suci itu, tara tatulis Tuhan Allah kase Dia pe janji itu pa “Abraham pe turunan-turunan” sama deng janji itu untuk banya orang, tapi ada tulis, Dia kase Dia pe janji itu cuma pa “Abraham pe turunan” saja, jadi itu pe maksut, janji itu cuma pa satu orang saja, Dia itu Yesus Kristus.

Roma 4:13

Tuhan Allah janji mo kase dunia pa Abraham deng pa dia pe turunan, bukang karna Abraham jaga iko aturan di lima kitab Musa, tapi karna Abraham percaya pa Tuhan Allah, itu sampe Tuhan Allah biking dia jadi orang yang tara sala pa Tuhan Allah pe muka.

Galatia 3:29

Kong karna ngoni itu Yesus Kristus pe umat, itu berarti, ngoni me so jadi Abraham pe turunan, deng ngoni lagi ada hak mo tarima apa yang Tuhan Allah ada janji dulu pa Abraham.

Wahyu 14:6

Abis itu, kita lia satu malaekat laeng lagi ada terbang di langit. Dia itu bawa pasáng dari Tuhan Allah yang tara beruba slama-lamanya. Dia mo kase tau pasáng itu pa orang-orang yang tinggal di bumi, pa orang-orang dari samua fam, samua suku, samua bahasa deng samua bangsa.

Wahyu 5:9

Kong dorang manyanyi puji pa Anak Domba itu deng lagu baru bagini: “Anak Domba ini yang pantas tarima kitab tagulung itu, deng yang pantas buka tuju segel yang talém di kitab itu. Barang, Anak Domba ini so perna dapa bunu, kong Dia pe dara so tatumpa untuk hapus orang-orang pe dosa dari tiap fam, suku, bahasa deng bangsa supaya dorang jadi Dia pe umat.

Roma 15:8

Kita kase inga pa ngoni bagini: Yesus Kristus datang di dunia untuk tolong pa torang orang Yahudi la iko apa yang Tuhan Allah janji pa torang pe orang tua dulu-dulu. Deng bagitu, Tuhan Allah kase tunju butul-butul Dia tara lupa biking Dia pe janji.

Kisah Para Rasul 13:26

Sudara-sudara orang Israel, Abraham pe turunan, deng ngoni yang bukang Yahudi tapi jaga semba pa Tuhan Allah, pa torang samua ini, Tuhan Allah so kase tau Dia mo kase slamat pa manusia dari dosa-dosa.

Lukas 1:72

Tuhan mo biking bagitu, karna Dia tara lupa yang Dia janji pa torang pe orang tua dulu-dulu. Dia inga Dia pe janji yang kudus itu deng cara kase tunju Dia pe sayang pa dorang.