Kisah Para Rasul 3:17 - Perjanjian Baru Bahasa Melayu Maluku Utara

¹⁷ Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking.

Kisah Para Rasul 3:17 ပူးပေါင်းရင်းမြစ်များ

Lukas 23:13

Abis itu, gubernur Pilatus pangge pa imam-imam kapala, pemimpin-pemimpin Yahudi deng orang-orang Yahudi yang laeng bakumpul pa dia pe istana.

Lukas 23:34

[Yesus berdoa, “Bapa, kase ampun pa dorang karna dong tara tau apa yang dong biking.”] Kong tentara-tentara cabu undi untuk tentukan sapa-sapa yang mo dapa Yesus pe baju.

Yohanes 15:21

Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Yohanes 16:3

Dorang mo biking bagitu pa ngoni karna dorang tara kanal butul pa Kita pe Bapa deng dorang lagi tara kanal pa Kita.

Yohanes 7:52

Kong dorang bilang pa dia, “Bikiapa kong bapa bela pa Dia? Bapa ini bukang orang Galilea to? Coba bapa priksa bae-bae di Kitab Suci. Di situ bapa bole tau, tara perna ada nabi yang datang dari daera Galilea, biar cuma satu me, tarada.”

Kisah Para Rasul 13:27

Tapi waktu Yesus datang, torang pe tamang-tamang orang Israel yang tinggal di Yerusalem deng dong pe pemimpin-pemimpin tara mangarti sapa Dia. Dorang tara mangarti pasáng yang Tuhan Allah bilang dari dulu pake Dia pe nabi-nabi tentang Orang yang Tuhan Allah janji la mo kase slamat pa torang. Padahal, kata-kata ini yang torang baca tiap hari Sabat. Kong karna dorang tara mangarti, dorang hukum mati pa Dia. Tapi deng dong hukum mati pa Dia, apa yang Tuhan Allah bilang pa nabi-nabi dulu di Kitab Suci itu, so jadi.

Kisah Para Rasul 22:5

Imam basar deng samua pemimpin yang laeng di Mahkama Agama bisa jadi saksi, samua yang kita bilang itu butul. Dorang sandiri yang kase surat-surat kuasa pa kita yang kita bawa pa torang pe sudara-sudara orang Yahudi di Damsyik. Surat-surat itu yang kase kuasa pa kita la kita bole tangka pa orang-orang di kota Damsyik yang jaga iko Yesus pe ajaran, kong bawa pa dorang di Yerusalem la hukum pa dorang.

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 28:21

Dorang bilang pa Paulus, “Sampe skarang torang bolong tarima surat dari Yudea yang kase tau tentang ngana pe perkara, deng torang pe tamang-tamang yang pulang dari Yerusalem me tara carita ngana pe nama busu.

Kisah Para Rasul 7:40

Kong dorang me bilang pa Harun bagini, ‘Bapa, Musa ini yang bawa pa torang kaluar dari tana Mesir, tapi skarang torang so tara tau dia pe keadaan bagimana. Jadi, biking suda patong-patong la torang semba. Nanti patong-patong itu yang mo pimpin pa torang.’

Roma 11:2

Tuhan Allah tara buang Dia pe umat yang Dia so pili dari dulu. Itu jelas kalu ngoni inga Tuhan Allah pe jawaban dulu pa nabi Elia, waktu dia mengelu pa Tuhan Allah tentang orang Israel. Carita itu ada tatulis di Kitab Suci.

1 Korintus 2:8

Tara ada dari pemimpin-pemimpin di dunia ini yang mangarti Tuhan Allah pe rencana itu. Karna kalu dorang mangarti itu, dong tara akan mo kase salib pa Tuhan yang hebat itu.

2 Korintus 3:14

Tapi orang Israel itu pe pikiran tatutu sampe tara mangarti aturan-aturan itu pe maksut. Kong skarang ini me waktu orang Israel baca janji yang lama itu lagi, dorang pe pikiran masi tatutu, macam deng kaeng yang Musa pake untuk tutu pa dia pe muka itu, jadi dorang tara mampo mangarti. Nanti kalu dorang so percaya pa Yesus Kristus, baru dong bole mangarti butul-butul Tuhan Allah pe janji.

Efesus 4:18

Dorang pe pikiran itu so galap, dorang susa mo tau yang butul. Dorang pe hidup so jao dari hidup yang Tuhan Allah mo kase pa dorang karna dorang tara mau tau tentang Dia deng karna dorang pe kapala batu.

Filipi 1:22

Tapi kalu kita hidup turus di dunia ini, itu kita pe kesempatan untuk biking turus tugas yang Tuhan Yesus kase pa kita supaya lebe banya orang yang percaya pa Dia. Jadi kita bingung, kita tara tau mo pili yang mana.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.