Kisah Para Rasul 3:13 - Perjanjian Baru Bahasa Melayu Maluku Utara

¹³ Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Kisah Para Rasul 3:13 ပူးပေါင်းရင်းမြစ်များ

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”

Matius 22:32

‘Kita ini suda Tuhan Allah yang Abraham, Ishak deng Yakub jaga semba.’ Waktu Tuhan Allah bilang itu, Abraham, Ishak deng Yakub so mati tapi dorang so hidup ulang deng Tuhan Allah. Jadi Tuhan Allah itu bukang orang mati pe Tuhan, tapi orang hidup pe Tuhan.”

Matius 27:2

Jadi dorang ika pa Yesus, kong dorang bawa, turus serakan pa gubernur Pilatus.

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Markus 15:11

Tapi imam-imam kapala pengaru pa orang banya itu supaya dorang minta Pilatus kase bebas pa Barabas.

Lukas 22:57

Tapi Petrus manyangkal, bilang tara kanal pa Yesus. Dia bilang, “Tarada me, kita tara kanal pa Dia!”

Lukas 23:4

Turus gubernur Pilatus bilang pa agama Yahudi pe imam-imam kapala deng pa orang banya yang ada di situ, “Biar satu me kita tara dapa Dia pe sala.”

Lukas 6:37

Yesus bilang lagi, “Jang ngoni kase sala pa orang laeng, supaya Tuhan Allah me tara kase sala pa ngoni. Jang ngoni hukum pa orang, supaya Tuhan me tara hukum pa ngoni. Ngoni kase ampun suda pa orang laeng, supaya Tuhan me kase ampun ngoni pe dosa.

Yohanes 12:16

Waktu banya orang puji pa Yesus itu, Yesus pe murit-murit bolong mangarti bikiapa kong dorang puji pa Yesus. Tapi nanti, waktu Yesus so dapa puji deng hormat karna Dia mati kong hidup ulang, baru dong sadar, samua itu jadi, sama deng yang Tuhan Allah so bilang di Kitab Suci.

Yohanes 18:40

Kong dorang samua bataria, “Bukang Dia! Tapi kase bebas pa Barabas suda!” Barabas itu orang jahat yang marontak pa pemerinta Roma.

Yohanes 19:11

Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Yohanes 19:12

Waktu Pilatus dengar itu, dia mulai berusaha cari jalang untuk kase bebas pa Yesus. Tapi orang-orang agama Yahudi bataria, dorang bilang, “Kalu bapa kase bebas Orang ini, bapa tara batamang lagi deng raja basar Roma. Barang, tiap orang yang mangaku dia itu raja sama deng yang Yesus mangaku, dia itu so malawang pa raja basar Roma.”

Yohanes 19:15

Tapi deng bataria dong bilang, “Kase mati suda pa Dia! Kase mati suda pa Dia! Kase salib suda pa Dia!” Pilatus bilang lagi pa dorang, “Dia ini ngoni pe raja. Ngoni mau kita kase parenta untuk kase salib pa Dia?” Imam-imam kapala jawab, “Torang tara ada raja laeng, torang pe raja cuma raja basar Roma.”

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Kisah Para Rasul 22:14

Abis itu, Ananias bilang pa kita bagini, ‘Tuhan Allah yang torang orang Yahudi pe orang tua dulu-dulu jaga semba, Dia itu so pili pa ngana supaya ngana tau Dia pe mau. Dia me pili pa ngana supaya ngana lia pa Orang yang Butul itu, deng supaya ngana dengar Dia pe suara.

Kisah Para Rasul 24:14

Tapi biar bagitu me, kita mo bilang satu barang pa bapa. Kita jaga semba pa Tuhan Allah yang torang orang Yahudi pe orang tua dulu-dulu jaga semba. Kita semba pa Tuhan Allah itu iko ajaran yang Tuhan Yesus kase ajar, yang orang Yahudi laeng jaga bilang itu aliran yang tara butul. Padahal, sama deng dorang, kita percaya samua yang ada tatulis di lima kitab Musa deng di kitab yang nabi-nabi laeng tulis.

Kisah Para Rasul 3:12

Waktu Petrus lia orang banya itu, dia bilang pa dorang, “Ee, sudara-sudara orang-orang Israel, bikiapa kong ngoni herang dia sembu? Deng bikiapa kong ngoni haga-haga pa torang turus? Dia so bisa bajalang, itu bukang karna torang pe kuasa deng bukang karna torang ini salalu biking Tuhan Allah pe mau.

Kisah Para Rasul 3:26

Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.

Kisah Para Rasul 4:30

Tuhan, kase pa torang kuasa la torang bole kase sembu pa orang-orang saki, biking mujizat-mujizat deng tanda-tanda yang laeng yang kase tunju Yesus pe kuasa sampe orang jadi herang. Yesus itu kudus deng yang jaga biking apa yang Tuhan Allah suru.”

Kisah Para Rasul 7:32

‘Kita ini suda Tuhan Allah yang ngana pe orang tua dulu-dulu, Abraham, Ishak deng Yakub, jaga semba.’ Pe dengar suara itu, Musa langsung totofore kong so tara barani balia di situ lagi.

Roma 9:5

Dorang itu me turunan dari Abraham, Ishak deng Yakub, kong dari turunan ini Yesus Kristus lahir sebagai manusia untuk mo kase slamat pa manusia. Yesus Kristus itu suda Tuhan Allah, Dia pe kuasa lebe basar dari samua yang ada. Jadi Dia yang pantas dapa puji sampe slama-lamanya. Amin.

Ibrani 2:9

Tapi yang so jelas itu, Yesus Kristus yang berkuasa pa samua-samua yang ada. Dia suda yang Tuhan Allah biking Dia pe posisi sadiki lebe randa dari malaekat-malaekat. Tapi itu cuma sementara saja, cuma waktu Dia ada di dunia ini. Skarang ini, Tuhan Allah so biking Dia jadi hebat deng dapa hormati sama deng Raja karna Dia so menderita sampe mati di kayu salib. Dia rasa samua itu karna Tuhan Allah kase Dia pe bae yang cuma-cuma pa torang samua, supaya torang samua dapa slamat dari dosa-dosa.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.