Kisah Para Rasul 27:1 - Perjanjian Baru Bahasa Melayu Maluku Utara

¹ Abis itu, dong gubernur Festus ambe keputusan untuk kirim pa Paulus di kota Roma di daera Italia la raja basar Roma urus dia pe perkara di situ. Jadi, dia serakan Paulus deng babarapa tahanan laeng pa satu komandan kompi yang mo antar pa dorang di kota Roma. Komandan itu pe nama Yulius, dia pe tentara-tentara yang jaga pa raja basar Roma.

Kisah Para Rasul 27:1 ပူးပေါင်းရင်းမြစ်များ

Matius 27:54

Ada komandan kompi Roma deng dia pe ana-ana bua yang jaga pa Yesus waktu Yesus dapa salib. Dorang tako skali waktu tana goyang kuat itu deng waktu dong lia samua yang jadi itu. Kong dorang bilang, “Butul, Dia ini memang Anak Allah!”

Lukas 23:47

Waktu komandan kompi Roma lia apa yang so jadi, dia puji pa Tuhan Allah kong dia bilang, “Memang, Dia ini Orang yang tara sala!”

Lukas 7:2

Di kota itu, ada komandan kompi Roma satu. Dia ada orang karja satu yang paling dia sayang. Dia pe orang karja itu sementara saki karas deng amper mati.

Kisah Para Rasul 10:1

Ada laki-laki satu di Kaisarea, dia pe nama Kornelius. Dia itu komandan kompi Roma yang dia pe pasukan pe nama pasukan Italia.

Kisah Para Rasul 10:22

Dorang bilang pa dia, “Bagini, bapa. Torang pe komandan kompi bapa Kornelius, suru torang datang kamari. Dia hidup butul pa Tuhan Allah pe muka deng jaga semba pa Tuhan Allah. Kong samua orang Yahudi bilang dia itu orang bae-bae. Kong baru saja, Tuhan Allah pe malaekat kudus suru pa dia la undang pa bapa pigi pa dia pe ruma, supaya dia bole dengar apa yang bapa bilang.”

Kisah Para Rasul 16:10

Abis Paulus dapa penglihatan itu, torang samua ambe keputusan, Tuhan Allah suka torang pigi kase tau Kabar Bae tentang Yesus Kristus pa orang-orang di Makedonia. Jadi, torang langsung basadia pigi ka sana.

Kisah Para Rasul 18:2

Di Korintus ada satu orang, dia pe nama Akwila. Akwila ini orang Yahudi dari daera Pontus. Dia deng dia pe bini Priskila baru datang dari daera Italia, barang raja basar Klaudius so parenta pa samua orang Yahudi musti kaluar dari kota Roma. Waktu Paulus sampe di kota Korintus, Paulus baku dapa deng Akwila kong dia singga pa Akwila pe ruma.

Kisah Para Rasul 19:21

Abis itu, Roh Kudus tolong pa Paulus ambe keputusan mo pigi di daera Makedonia deng di daera Akhaya, kong mo turus di kota Yerusalem. Dia bilang, “Abis kita pigi di Yerusalem, kita me musti pigi di kota Roma.”

Kisah Para Rasul 21:32

Pe dengar itu, komandan batalion langsung bawa pa komandan-komandan kompi deng tentara-tentara pigi di tampa yang kaco itu. Waktu orang banya itu dapa lia pa komandan batalion deng dia pe ana-ana bua datang, dorang berenti pukul pa Paulus.

Kisah Para Rasul 22:26

Pe dengar Paulus bilang bagitu, komandan kompi itu langsung pigi kase tau pa dia pe komandan batalion. Dia bilang bagini, “Ado bapa, orang itu orang warga negara Roma. Jadi, torang tara bisa pukul pa dia, to?”

Kisah Para Rasul 23:11

Dia pe beso malam, Tuhan Yesus datang badiri pa Paulus pe pinggir kong bilang, “Paulus, kase kuat ngana pe hati. Ngana so kase tau tentang Kita pa orang-orang di kota Yerusalem ini. Jadi, di kota Roma me, ngana musti pi kase tau bagitu lagi tentang Kita.”

Kisah Para Rasul 23:17

Bagitu Paulus dengar dia pe kamanakan pe carita, Paulus pangge pa komandan kompi kong dia bilang, “Bapa, tolong bawa nyong ini pa komandan batalion, barang ada hal penting yang dia mo kase tau pa komandan batalion kong.”

Kisah Para Rasul 24:23

Abis bilang bagitu, gubernur suru pa dia pe komandan kompi tahang pa Paulus, tapi kase bebas sadiki pa dia. Paulus pe tamang-tamang me bole datang balia pa dia kong kase sadia dia pe keperluan.

Kisah Para Rasul 25:12

Pe dengar Paulus minta bagitu, gubernur Festus baku ator deng dia pe penasehat-penasehat. Abis itu, gubernur bilang, “Paulus, ngana yang minta raja basar Roma untuk urus ngana pe perkara, jadi ngana musti mangada pa dia.”

Kisah Para Rasul 25:25

Tapi waktu kita urus dia pe perkara, kita tara dapa dia pe sala sampe dia musti dapa hukuman mati. Tapi karna dia sandiri minta raja basar Roma yang urus dia pe perkara, jadi kita ambe keputusan mo kirim pa dia mangada pa raja basar Roma.

Kisah Para Rasul 27:11

Tapi komandan kompi itu tara mau dengar apa yang Paulus bilang. Dia lebe percaya pa kapten kapal deng pa tuang kapal.

Kisah Para Rasul 27:43

Tapi komandan itu larang pa dorang, karna dia mau kase slamat pa Paulus. Kong dia parenta, sapa saja yang tau bernang, bernang kamuka ka dara.

Kisah Para Rasul 27:6

Kong komandan Yulius dapa kapal satu yang mo pigi di daera Italia. Kapal itu datang dari kota Aleksandria. Jadi, komandan itu suru torang samua bapinda di kapal itu, turus torang balayar lagi.

Kisah Para Rasul 28:1

Bagitu torang samua so sampe di pante deng slamat, baru torang tau pulo itu pe nama Malta.

Kisah Para Rasul 28:16

Pe sampe di kota Roma, Paulus tara dapa tahang di penjara, tapi dia dapa ijin tinggal di ruma satu, deng ada tentara satu yang jaga pa dia.

Ibrani 13:24

Ngoni kase sampe tong pe salam pa samua ngoni pe pemimpin jemaat deng pa samua orang yang so jadi Tuhan Allah pe umat di situ. Sudara-sudara yang percaya di Italia me ada kirim salam pa ngoni.