Kisah Para Rasul 26:9 - Perjanjian Baru Bahasa Melayu Maluku Utara

⁹ Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 26:9 ပူးပေါင်းရင်းမြစ်များ

Yohanes 15:21

Dorang mo siksa pa ngoni karna ngoni ada iko pa Kita, deng karna dorang tara kanal butul pa Tuhan Allah yang so utus pa Kita.

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”

Kisah Para Rasul 22:3

“Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.

Kisah Para Rasul 22:4

Kong dulu itu, waktu kita dapa tau ada orang-orang yang iko ajaran tentang Yesus, kita siksa pa dorang sampe ada yang mati. Laki-laki deng parampuang kita tangka kong kase maso di penjara.

Kisah Para Rasul 22:8

Kong kita tanya, ‘Sapa ini kong?’ Suara itu bilang, ‘Kita Yesus, orang Nazaret yang ngana jaga siksa.’

Kisah Para Rasul 24:5

Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Kisah Para Rasul 3:17

Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking.

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Kisah Para Rasul 9:1

Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar,

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

Roma 10:2

Kita sandiri so lia, dorang memang smangat skali berusaha mo iko pa Tuhan Allah. Tapi biar dorang smangat, dorang tara mangarti cara yang butul mo iko pa Tuhan Allah.

Filipi 3:6

Mala, dari samua orang Farisi itu, kita ini yang paling smangat siksa pa orang-orang yang percaya pa Yesus Kristus, karna kita kira kata, dorang tara percaya pa Tuhan Allah deng butul, deng kata, kalu kita siksa pa dorang, kita hormati pa Tuhan Allah. Kong kalu bicara tentang iko aturan-aturan di lima kitab Musa, tarada yang bisa lawan pa kita, barang kita iko deng butul-butul samua aturan di lima kitab Musa itu.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.