Kisah Para Rasul 26:8 - Perjanjian Baru Bahasa Melayu Maluku Utara

⁸ Jadi, skarang kita mo batanya pa orang-orang Yahudi yang ada di sini, bikiapa kong ngoni anggap, tara mungkin Tuhan Allah kase hidup ulang pa orang yang so mati?

Kisah Para Rasul 26:8 ပူးပေါင်းရင်းမြစ်များ

Lukas 1:37

Samua itu bole jadi, karna Tuhan Allah bisa biking apa saja.”

Lukas 18:27

Yesus jawab, “Apa yang manusia tara bisa biking, Tuhan Allah bisa biking. Jadi cuma Tuhan Allah saja yang bisa kase slamat pa manusia.”

Kisah Para Rasul 23:6

Waktu itu Paulus tau, anggota-anggota Mahkama Agama itu dorang dari dua aliran agama Yahudi: satu aliran Farisi deng satu lagi aliran Saduki. Karna itu, Paulus bilang deng suara yang kuat, “Kita pe sudara-sudara orang Yahudi samua, kita dari aliran Farisi, barang kita pe orang tua me dari aliran Farisi. Kita dapa kase mangada di Mahkama Agama ini, barang kita percaya deng yakin Tuhan Allah mo kase hidup ulang pa orang-orang yang so mati.”

Kisah Para Rasul 25:19

Dorang baku mara deng dia cuma gara-gara dorang pe aturan-aturan agama Yahudi. Deng dorang baku malawang tentang satu orang yang pe nama Yesus. Kalu iko yang orang Yahudi bilang, Yesus itu so mati, tapi Paulus tetap batahang bilang pa dorang, Yesus itu so hidup ulang.

Kisah Para Rasul 4:2

Orang-orang itu mara skali pa Petrus deng Yohanes, barang dorang dua kase ajar pa orang banya, Yesus so hidup ulang, deng orang yang so mati pasti mo hidup ulang.

1 Korintus 15:34

Jadi, ngoni musti sadar butul-butul, kong jang biking dosa lagi. Karna ada dari ngoni yang bolong kanal pa Tuhan Allah. Kita bilang bagitu la ngoni jadi malu kong bertobat.

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.