Kisah Para Rasul 26:7 - Perjanjian Baru Bahasa Melayu Maluku Utara

⁷ Kong janji itu, torang dua blas suku Israel ada tunggu-tunggu. Sementara batunggu janji itu, siang malam torang salalu semba deng hati yang sunggu-sunggu pa Tuhan Allah. Ya, raja Agripa, sampe orang Yahudi bilang kita sala, itu karna kita percaya deng yakin janji itu.

Kisah Para Rasul 26:7 ပူးပေါင်းရင်းမြစ်များ

Matius 19:28

Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel.

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Lukas 22:30

Deng bagitu, waktu Kita Berkuasa sebagai Raja pa Kita pe umat, ngoni bole makang minum di meja sama-sama deng Kita. Kong, ngoni akan dudu di atas kursi raja untuk adili pa dua blas suku bangsa Israel.”

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

Kisah Para Rasul 24:15

Kong kita lagi sama deng dorang, kita percaya deng yakin pa Tuhan Allah, nanti samua orang yang so mati mo hidup ulang, biar dia itu orang yang hidup butul pa Tuhan Allah pe muka, deng yang tara hidup butul pa Tuhan Allah pe muka.

Kisah Para Rasul 26:2

“Raja Agripa yang kita hormati! Kita sanang skali, karna hari ini kita bisa badiri pa bapa pe muka untuk babela kita pe diri dari samua yang orang Yahudi tudu pa kita.

Kisah Para Rasul 26:3

Apalagi bapa me tau skali torang orang Yahudi pe aturan-aturan deng masala-masala di antara torang. Jadi kita mohon, bapa dengar bae-bae kita pe penjelasan ini.

Kisah Para Rasul 28:20

Karna itu, kita minta mo baku dapa deng bapa-bapa di sini la kita kase tau, samua yang dorang kase sala pa kita itu tara butul. Kita dapa ika bagini, barang kita percaya deng yakin pa Mesias, Raja yang Tuhan Allah janji mo kase slamat pa torang orang Israel.”

Filipi 3:11

Deng bagitu, kalu kita mati, kita percaya Dia mo kase hidup ulang pa kita.

1 Tesalonika 3:10

Siang malam torang berdoa sunggu-sunggu, la torang samua bisa baku dapa lagi. Barang, torang mo ajar apa yang masi kurang pa ngoni, supaya ngoni pe percaya lebe tamba kuat.

1 Timotius 5:5

Kalu janda yang so tarada sapa-sapa yang mo urus pa dia, dia pe tampa baharap cuma pa Tuhan Allah. Siang deng malam dia berdoa minta tolong pa Tuhan Allah.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.