Kisah Para Rasul 26:10 - Perjanjian Baru Bahasa Melayu Maluku Utara

¹⁰ Di Yerusalem, kita perna biking bagitu. Kita dapa surat kuasa dari imam-imam kapala untuk tangka pa orang-orang yang so jadi Tuhan Allah pe umat kong kase maso pa dorang di penjara. Waktu dorang itu dapa urus, kita me setuju dorang dapa hukuman mati.

Kisah Para Rasul 26:10 ပူးပေါင်းရင်းမြစ်များ

Kisah Para Rasul 7:58

Dorang hela pa dia kase kaluar dari kota, kong dorang lempar pa dia deng batu. Orang-orang yang jadi saksi di situ buka dong pe juba, kong taru di ana muda satu pe muka, dia pe nama Saulus.

Kisah Para Rasul 8:3

Tapi biar bagitu me, Saulus masi tetap berusaha mo bunu kase abis pa orang-orang yang percaya pa Tuhan Yesus itu. Dia cari di ruma-ruma kong hela kase kaluar pa dorang, bae itu laki-laki atau parampuang, turus dia kase maso pa dorang di penjara.

Kisah Para Rasul 9:21

Samua orang di situ, waktu dengar yang Saulus bilang itu, dorang jadi herang kong bilang bagini, “Dia ini to, yang jaga bunu pa orang yang percaya pa Yesus di Yerusalem? Mangkali dia datang kamari mo tangka pa orang-orang yang percaya pa Yesus, kong bawa pa dorang di imam-imam kapala?”

Kisah Para Rasul 9:26

Abis itu, Saulus pigi di kota Yerusalem. Pe sampe di sana, dia coba bagabung deng orang-orang percaya yang ada di situ. Tapi dorang tako pa dia, barang dorang bolong yakin dia butul-butul so percaya pa Yesus.

Kisah Para Rasul 9:32

Waktu itu, Petrus pigi bakuliling di banya tampa untuk baku dapa deng orang-orang yang so jadi Tuhan Allah pe umat. Satu kali, dia basingga pa orang-orang percaya yang ada di kampong Lida.

Kisah Para Rasul 9:41

Turus Petrus pegang Tabita pe tangan kong bantu kase badiri pa dia. Abis itu, Petrus pangge pa janda-janda deng pa orang-orang yang so jadi Tuhan Allah pe umat, kong kase tunju pa dorang, Tabita so hidup ulang.

1 Korintus 15:9

Sebenarnya kita ini tara pantas dapa bilang rasul, barang dulu itu, so kita ini suda yang jaga siksa pa Tuhan Allah pe jemaat. Karna itu, dari samua rasul, kita ini suda yang paling tara arti.

Galatia 1:13

Tantu ngoni so dengar tentang kita pe hidup dulu waktu kita masi iko aturan agama Yahudi. Waktu itu, kita sandiri yang kase siksa Tuhan Allah pe jemaat deng kita berusaha karas la bisa kase abis pa dorang.

Efesus 1:1

Sudara-sudara yang so jadi Tuhan Allah pe umat di kota Efesus, ngoni yang so percaya pa Kristus Yesus. Salam dari kita Paulus. Kita ini Kristus Yesus pe utusan yang orang sebut rasul, kong kita jadi rasul karna Tuhan Allah pe mau.

Wahyu 17:6

Kita lia parampuang tara bae itu mabo karna dia minum dara dari orang-orang yang so jadi Tuhan Allah pe umat, deng dara dari orang-orang yang mati karna kase tau tentang Tuhan Yesus. Waktu kita lia itu, kita herang skali.