Kisah Para Rasul 24:5 - Perjanjian Baru Bahasa Melayu Maluku Utara

⁵ Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Kisah Para Rasul 24:5 ပူးပေါင်းရင်းမြစ်များ

Matius 10:25

So cukup suda kalu satu murit jadi sama deng dia pe guru, kong so cukup suda kalu satu orang karja mo jadi sama deng dia pe tuang. Kita ini sama deng ngoni pe tuang, kong ngoni ini Kita pe umat. Kalu orang-orang bilang Kita ini Beelzebul, setang-setang pe raja, lebe soe lagi ngoni yang iko pa Kita. Jadi ngoni musti ati-ati!”

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Markus 1:24

“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Lukas 23:19

Barabas itu orang yang dapa kase maso di penjara, barang di kota Yerusalem dia ada marontak pa pemerinta Roma deng dia ada bunu orang.

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Lukas 23:25

Dia kase bebas pa Barabas iko dorang pe mau. Barabas itu orang yang ada dapa kase maso di penjara karna marontak pa pemerinta deng ada bunu orang. Tapi untuk Yesus dia serakan pa dorang, tersera dong mo biking apa pa Dia.

Lukas 23:5

Tapi dorang lebe tamba bilang yang tara bae lagi tentang Yesus, dong bilang, “Dia ini so pengaru banya orang di samua daera Yudea deng Dia pe ajaran supaya malawang pa pemerinta. Dia mulai dari daera Galilea kong so sampe di sini, di kota Yerusalem.”

Kisah Para Rasul 15:5

Tapi di situ ada babarapa orang percaya dari aliran fanatik yang pe nama Farisi. Dorang datang kong bilang bagini, “Orang-orang bukang Yahudi yang so jadi percaya pa Yesus, dorang lagi musti dapa sunat deng iko aturan-aturan di lima kitab Musa sama deng torang orang Yahudi.”

Kisah Para Rasul 21:28

Dorang bataria, “Ee, sudara-sudara orang-orang Israel! Tolong pa torang dulu! Orang ini suda yang jaga mangajar pa samua orang di mana-mana tentang ajaran-ajaran yang malawang pa torang bangsa Israel. Dia me ajar supaya torang tara iko lagi aturan-aturan di lima kitab Musa, deng supaya torang tara hormati Ruma Ibada Pusat ini. Apalagi skarang, dia bawa pa orang-orang yang bukang Yahudi di Ruma Ibada Pusat ini, sampe biking tampa ini jadi tara suci lagi!”

Kisah Para Rasul 22:22

Orang-orang Yahudi yang di situ, dorang dengar turus Paulus babicara, tapi waktu Paulus bilang Tuhan Allah so utus pa dia pigi pa orang yang bukang Yahudi, orang-orang Yahudi di situ dorang mara kong bataria, “Orang ini tara pantas hidup di dunia ini. Tong bunu saja pa dia!”

Kisah Para Rasul 24:14

Tapi biar bagitu me, kita mo bilang satu barang pa bapa. Kita jaga semba pa Tuhan Allah yang torang orang Yahudi pe orang tua dulu-dulu jaga semba. Kita semba pa Tuhan Allah itu iko ajaran yang Tuhan Yesus kase ajar, yang orang Yahudi laeng jaga bilang itu aliran yang tara butul. Padahal, sama deng dorang, kita percaya samua yang ada tatulis di lima kitab Musa deng di kitab yang nabi-nabi laeng tulis.

Kisah Para Rasul 24:4

Kong supaya tara buang-buang bapa pe waktu, kita minta bapa dengar sadiki yang torang bilang ini.

Kisah Para Rasul 25:7

Bagitu Paulus sampe di situ, samua orang Yahudi yang iko pa gubernur dari Yerusalem badiri kuliling pa Paulus. Kong dorang mulai tudu yang barát-barát pa Paulus, tapi samua yang dorang tudu itu tarada dia pe bukti apa-apa.

Kisah Para Rasul 26:5

Dorang tau, kita ini so lama iko aliran Farisi, aliran yang paling pegang kuat torang agama Yahudi pe aturan. Kong kalu dorang mau, dong bisa basaksi pa bapa pe muka.

Kisah Para Rasul 28:22

Jadi skarang, torang mo dengar sandiri dari ngana tentang aliran Nasrani, yang torang tau di mana-mana orang-orang tara suka.”

Kisah Para Rasul 5:17

Waktu itu, agama Yahudi pe imam basar deng samua orang agama Yahudi dari aliran Saduki yang ada deng dia, dorang mangiri karna apa yang rasul-rasul biking.

Kisah Para Rasul 6:13

Di situ dorang suru babarapa orang maju jadi saksi untuk bicara tara butul tentang Stefanus. Orang-orang itu bilang, “Orang ini tara berenti-berenti bicara tara bae tentang Ruma Ibada Pusat yang kudus ini, deng tentang aturan-aturan di lima kitab Musa.

1 Korintus 11:19

Memang ngoni musti tapisa-pisa satu deng yang laeng, supaya jadi jelas, sapa yang butul-butul iko pa Tuhan deng sapa yang tarada.

1 Korintus 4:13

Kalu orang bicara tara bae tentang torang, tong tetap bicara bae-bae pa dorang. Sampe skarang ini, manusia di dunia so biking torang sama deng rumpu yang bobou busu, sama deng sampa.

1 Petrus 2:19

Barang, kalu ada dari ngoni yang dapa siksa biar tara biking sala apa-apa, kong kalu ngoni sadar Tuhan Allah ada sama-sama deng ngoni, Tuhan Allah yang lia itu akan kase Dia pe bae pa ngoni.