Kisah Para Rasul 24:1 - Perjanjian Baru Bahasa Melayu Maluku Utara

¹ Waktu Paulus so dapa tahang lima hari, pemimpin-pemimpin Yahudi yang tudu pa Paulus itu datang di Kaisarea. Dorang itu: imam basar Ananias, tua-tua Yahudi deng satu orang yang pe nama Tertulus. Tertulus ini ahli hukum, dong pake pa dia jadi dong pe juru bicara la tudu pa Paulus. Dorang samua itu mangada pa gubernur Feliks la mo kase tau apa yang dorang mo tudu pa Paulus.

Kisah Para Rasul 24:1 ပူးပေါင်းရင်းမြစ်များ

Kisah Para Rasul 12:21

Turus, Herodes tentukan waktu untuk tarima pa dorang. Di hari itu, dia pake dia pe baju raja kong dudu di kursi raja, turus dia mulai bicara pa dorang.

Kisah Para Rasul 21:27

Waktu so mo abis tuju hari iko acara ‘biking bersi diri’ itu, orang-orang Yahudi yang datang dari daera Asia Kecil lia pa Paulus di dalam Ruma Ibada Pusat pe kompleks. Dorang kase-kase panas pa orang banya yang ada di situ, kong tangka pa dia.

Kisah Para Rasul 23:2

Pe dengar Paulus bilang bagitu, imam basar Ananias suru pa orang-orang yang badiri dekat deng Paulus, tampeleng Paulus pe mulu.

Kisah Para Rasul 23:24

Ngoni lagi musti kase sadia babarapa kuda untuk Paulus nae. Kong ngoni samua musti antar pa dia deng bae-bae sampe pa gubernur Feliks.”

Kisah Para Rasul 23:30

Abis itu, kita dapa dengar ada orang-orang Yahudi yang so baku skongkol mo bunu pa dia. Jadi kita langsung suru antar pa Paulus pigi pa bapa. Kita me suru pa orang-orang yang ada tudu pa Paulus, pigi kase tau perkara itu pa bapa. Sampe di sini dulu kita pe surat.”

Kisah Para Rasul 23:33

Pe sampe di Kaisarea, tentara-tentara yang pake kuda kase surat itu pa gubernur kong dorang serakan Paulus pa dia.

Kisah Para Rasul 23:35

Kong gubernur bilang pa dia, “Kalu orang-orang yang tudu pa ngana so sampe di sini, baru kita mo urus ngana pe perkara.” Abis bilang bagitu, gubernur suru tahang pa Paulus di istana yang dulu raja Herodes biking.

Kisah Para Rasul 24:11

Bagini bapa, baru dua blas hari yang lalu, kita pigi basambayang di Yerusalem. Kalu bapa tara percaya, bapa bisa tanya pa orang-orang.

Kisah Para Rasul 24:2

Turus, gubernur suru bawa pa Paulus di tampa urus perkara. Bagitu Paulus so sampe di situ, Tertulus mulai bilang bagini, “Bapa gubernur yang torang hormati. Bapa jadi gubernur di sini so lama skali, kong torang pe hidup jadi aman. Deng, bapa itu pande sampe bapa bole biking torang pe daera ini jadi bagus.

Kisah Para Rasul 25:15

Waktu kita ada di Yerusalem, imam-imam kapala deng tua-tua Yahudi lapor orang itu pa kita. Dorang kase tau dia pe kajahatan deng dorang minta supaya dia dapa hukum.

Kisah Para Rasul 25:2

Di Yerusalem, imam-imam kapala deng orang-orang terhormat dari agama Yahudi datang mangada pa gubernur, mo kase tau apa yang dorang ada tudu pa Paulus.

1 Korintus 2:1

Sudara-sudara, tuhari waktu kita datang kase tau tentang Tuhan Allah pe rencana yang dulu manusia bolong tau, kita tara pake bahasa tinggi-tinggi, kita me tara pake kita pe pande sandiri.

1 Korintus 2:4

Waktu kita babicara pa ngoni, kita tara pake manusia pe pande untuk kase yakin pa ngoni apa yang kita bilang. Tapi waktu itu, Roh Kudus pe kuasa yang kase yakin pa ngoni sampe ngoni tau yang kita bilang itu, butul.