Kisah Para Rasul 22:8 - Perjanjian Baru Bahasa Melayu Maluku Utara

⁸ Kong kita tanya, ‘Sapa ini kong?’ Suara itu bilang, ‘Kita Yesus, orang Nazaret yang ngana jaga siksa.’

Kisah Para Rasul 22:8 ပူးပေါင်းရင်းမြစ်များ

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Matius 25:45

Kong Dia akan jawab pa dorang bagini, ‘Inga bae-bae yang Kita bilang pa ngoni ini, tiap kali ngoni tara mau tolong pa satu dari Kita pe sudara yang orang anggap tara penting, itu sama lagi deng ngoni tara mau tolong pa Kita.’ ”

Kisah Para Rasul 10:14

Tapi Petrus bilang, “Tarada, Tuhan. Kita tara perna makang binatang-binatang bagitu yang haram deng najis iko torang orang Yahudi pe aturan agama.”

Kisah Para Rasul 22:7

Kita langsung jatu di tana. Turus kita dengar ada suara dari langit bilang bagini, ‘Saulus, Saulus, bikiapa kong ngana siksa pa Kita?’

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Kisah Para Rasul 4:10

Jadi, bapa-bapa deng samua orang Israel musti tau, orang itu bisa sembu deng badiri pa ngoni pe muka, itu karna Yesus Kristus orang Nazaret itu pe kuasa. Yesus itu yang ngoni so kase salib, tapi Tuhan Allah so kase hidup ulang pa Dia.

Kisah Para Rasul 6:14

Barang, torang so dengar dia bilang, Yesus orang Nazaret itu mo kase rubu Ruma Ibada Pusat ini, kong Dia lagi mo ruba torang orang Yahudi pe aturan-aturan yang dulu nabi Musa so kase ajar pa torang.”

1 Korintus 12:12

Torang banya orang, tapi torang jadi satu, karna torang sama-sama percaya pa Yesus Kristus. Itu sama deng orang pe badan yang cuma satu, tapi ada dia pe kaki, tangan, mata, deng laeng-laeng.