Kisah Para Rasul 22:3 - Perjanjian Baru Bahasa Melayu Maluku Utara

³ “Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.

Kisah Para Rasul 22:3 ပူးပေါင်းရင်းမြစ်များ

Lukas 10:39

Marta ada sudara parampuang satu, nama Maria. Waktu Yesus ada pa dorang pe ruma, Maria dudu badekat deng Tuhan kong dengar turus Dia pe ajaran.

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Lukas 8:35

Abis itu, orang-orang dari kota deng kampong-kampong di dekat situ datang untuk lia apa yang jadi. Dorang datang pa Yesus kong lia orang yang kemasukan so dudu di dekat Yesus pe kaki, dia so bae kong dia so pake baju. Pe lia itu, dorang jadi tako.

Kisah Para Rasul 11:25

Abis itu, Barnabas pigi di kota Tarsus la cari pa Saulus. Bagitu dia baku dapa deng Saulus, dia bawa pa Saulus di Antiokhia.

Kisah Para Rasul 15:23

Kong rasul-rasul deng penatua-penatua kase titip surat pa dorang dua untuk orang-orang yang percaya di kota Antiokhia, daera Siria deng daera Kilikia. Surat itu pe isi bagini, “Salam pa sudara-sudara yang percaya dari bangsa-bangsa yang bukang Yahudi. Torang rasul-rasul deng penatua-penatua di Yerusalem ada kirim surat ini pa ngoni.

Kisah Para Rasul 15:41

Turus dorang barangkat bakuliling di daera Siria deng di daera Kilikia, kong di tampa-tampa itu dorang dua kase kuat jemaat-jemaat pe percaya.

Kisah Para Rasul 21:20

Pe dengar Paulus bilang itu, penatua-penatua langsung puji pa Tuhan Allah. Pe abis itu, dorang bilang pa Paulus, “Bapa, torang mo kase tau, skarang ini orang Yahudi yang percaya pa Yesus so deng ribu, kong dorang itu masi tetap pegang kuat aturan di lima kitab Musa.

Kisah Para Rasul 21:39

Paulus bilang, “Iyo bapa, bukang kita. Kita ini orang bangsa Yahudi, dari kota Tarsus, kota yang paling terkenal di daera Kilikia. Kita minta supaya kita bole bicara pa orang banya itu.”

Kisah Para Rasul 23:34

Pe abis baca surat itu, gubernur tanya pa Paulus, “Ngana ini dari daera mana?” Paulus jawab, “Kita dari daera Kilikia.”

Kisah Para Rasul 23:6

Waktu itu Paulus tau, anggota-anggota Mahkama Agama itu dorang dari dua aliran agama Yahudi: satu aliran Farisi deng satu lagi aliran Saduki. Karna itu, Paulus bilang deng suara yang kuat, “Kita pe sudara-sudara orang Yahudi samua, kita dari aliran Farisi, barang kita pe orang tua me dari aliran Farisi. Kita dapa kase mangada di Mahkama Agama ini, barang kita percaya deng yakin Tuhan Allah mo kase hidup ulang pa orang-orang yang so mati.”

Kisah Para Rasul 26:5

Dorang tau, kita ini so lama iko aliran Farisi, aliran yang paling pegang kuat torang agama Yahudi pe aturan. Kong kalu dorang mau, dong bisa basaksi pa bapa pe muka.

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 5:34

Tapi ada satu orang dari aliran Farisi di Mahkama Agama itu, dia pe nama Gamaliel. Dia ini guru agama Yahudi yang ahli lima kitab Musa, deng orang-orang hormati pa dia. Dia badiri, turus suru orang-orang kase kaluar rabu-rabu pa rasul-rasul dari situ.

Kisah Para Rasul 6:9

Tapi di situ me ada babarapa orang yang tara suka deng Stefanus pe bicara kong dorang baku malawang deng dia. Dorang itu orang agama Yahudi dari kota Kirene, dari kota Aleksandria deng ada lagi babarapa orang dari daera Kilikia deng daera Asia Kecil. Dorang itu perna jadi orang karja yang dong pe tuang so bili, tapi skarang so jadi orang bebas. Dorang pe ruma ibada pe nama ‘Ruma Ibada Libertini’.

Kisah Para Rasul 9:1

Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar,

Kisah Para Rasul 9:11

Turus Tuhan bilang pa dia, “Ngana pigi suda di jalang yang pe nama Jalang Lurus kong cari Yudas pe ruma. Di situ ngana cari pa satu orang yang pe nama Saulus. Dia itu orang Tarsus, kong skarang dia sementara berdoa.

Kisah Para Rasul 9:30

Waktu orang-orang yang percaya pa Yesus dapa tau rencana itu, dorang bawa pa Saulus di kota Kaisarea. Dari situ dorang bantu pa dia la dia bole pigi di kota Tarsus.

Roma 11:1

Dari dulu Tuhan Allah so pili pa orang Israel jadi Dia pe umat, tapi banya yang so tara dengar-dengaran pa Dia. Kalu bagitu, apa Tuhan Allah mo buang pa dorang? Tarada! Karna kita sandiri me orang Israel, Abraham pe turunan dari suku Benyamin.

2 Korintus 11:22

Dorang puji dong pe diri, barang dorang dari bangsa Ibrani, orang Israel pe turunan, deng Abraham pe turunan. Tapi biar bagitu, kita me bole puji kita pe diri sama deng dorang, karna kita me dari bangsa Ibrani, kita me orang Israel pe turunan, deng kita me Abraham pe turunan.

Galatia 1:14

Kita banya skali balajar tentang aturan-aturan agama Yahudi deng kita jaga biking aturan itu. Jadi kalu mo kase banding deng orang Yahudi yang satu umur deng kita, kita yang paling jago. Kita memang butul-butul iko samua aturan yang kita pe orang tua dulu-dulu jaga iko.

Galatia 1:21

Kong abis di Yerusalem itu, kita pigi di daera Siria deng daera Kilikia.