Kisah Para Rasul 21:9 - Perjanjian Baru Bahasa Melayu Maluku Utara

⁹ Filipus pe ana parampuang yang masi nona-nona ada ampa orang. Dorang ampa itu Tuhan Allah salalu pake untuk kase tau Dia pe pasáng pa orang-orang tentang apa yang mo jadi nanti.

Kisah Para Rasul 21:9 ပူးပေါင်းရင်းမြစ်များ

Lukas 2:36

Di Ruma Ibada Pusat itu me ada nene satu yang pe nama Hana. Dia itu nabi, yang jaga kase turus Tuhan Allah pe pasáng pa orang-orang. Hana ini pe papa pe nama Fanuel dari suku Asyer. Dia perna kawing kong hidup sama-sama deng dia pe laki tuju taong,

Kisah Para Rasul 13:1

Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

Kisah Para Rasul 2:17

Tuhan Allah bilang, ‘Di waktu so dekat-dekat ahir jaman, Kita mo kase Kita pe Roh pa samua orang. Ngoni pe ana laki-laki deng parampuang akan kase tau pa orang-orang pasáng yang dorang dengar langsung dari Kita. Ngoni pe ana-ana muda mo dapa penglihatan-penglihatan, deng orang-orang tua me mo dapa mimpi dari Kita.

1 Korintus 7:38

Jadi yang jelas itu, orang yang kawing deng dia pe calon kawing, dia so biking barang yang bae. Deng orang yang tara kawing deng dia pe calon kawing, itu dia so biking yang lebe bae lagi.

Wahyu 2:20

Tapi satu hal ini ngoni sala: ngoni kase biar pa parampuang yang pe nama Izebel, yang dia bilang kata, dia itu Tuhan Allah pe nabi yang kase turus Tuhan Allah pe pasáng. Ngoni me kase biar dia ajar barang yang sala pa orang-orang yang jaga biking apa yang Kita suru. Dia pe ajaran itu yang biking sampe Kita pe umat baseks sabarang, deng makang makanang yang so kase pa orang pe puji-puji.