Kisah Para Rasul 20:7 - Perjanjian Baru Bahasa Melayu Maluku Utara

⁷ Hari pertama di minggu itu, torang deng orang-orang percaya yang laeng bakumpul biking perjamuan. Di situ, Paulus bicara lama pa orang-orang percaya itu sampe tenga malam, barang dia pe beso dia so mo barangkat.

Kisah Para Rasul 20:7 ပူးပေါင်းရင်းမြစ်များ

Markus 16:9

Pe hari Minggu pagi-pagi skali itu, waktu Yesus so hidup ulang, Yesus kakamuka kase tunju Dia pe diri pa Maria orang Magdala. Maria itu yang Yesus perna user tuju setang dari dia.

Lukas 22:19

Turus, Yesus ambe roti, kong bilang tarimakasi pa Tuhan Allah. Dia pela-pela roti itu kong kase pa dorang, Dia bilang, “Roti ini, Kita pe badan yang Kita serakan untuk ngoni. Makang ini untuk inga pa Kita!”

Lukas 24:35

Turus dorang dua kase carita apa yang so jadi pa dorang di tenga jalang tadi, deng bagimana dorang dapa kanal pa Tuhan Yesus waktu Dia kase pela-pela roti itu.

Yohanes 20:1

Pas hari minggu, waktu masi pagi-pagi skali, Maria orang Magdala pigi pa Yesus pe kubur goa. Pe sampe di kubur itu, dia lia batu yang ada kase tutu di kubur so taguling dari dia pe tampa.

Yohanes 20:19

Di hari Minggu malam itu, Yesus pe murit-murit ada bakumpul di ruma satu. Samua pintu ruma dong kunci, barang dong tako pa pemimpin-pemimpin agama Yahudi. Waktu itu, Yesus datang pa dorang kong badiri pa dorang pe tenga-tenga, turus Dia kase salam pa dorang bagini, “Dame dari Tuhan Allah ada pa ngoni!”

Yohanes 20:26

Pe minggu brikut, Yesus pe murit-murit bakumpul ulang di ruma itu. Kong kali ini, Tomas lagi ada di situ sama-sama deng dorang. Samua pintu-pintu ada takunci lagi. Biar bagitu, Yesus datang, turus badiri pa dorang pe tenga-tenga kong Dia bilang, “Kita minta pa Tuhan Allah supaya Dia salalu biking ngoni pe hati tetap tenang.”

Kisah Para Rasul 16:10

Abis Paulus dapa penglihatan itu, torang samua ambe keputusan, Tuhan Allah suka torang pigi kase tau Kabar Bae tentang Yesus Kristus pa orang-orang di Makedonia. Jadi, torang langsung basadia pigi ka sana.

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Kisah Para Rasul 2:46

Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu.

Kisah Para Rasul 20:11

Waktu samua orang so bale ka atas, Paulus pela-pela roti la dorang makang sama-sama. Kong dia bacarita deng dorang sampe pagi. Abis itu, dia kase tinggal kota Troas.

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

Kisah Para Rasul 20:5

Dorang tuju orang itu barangkat kamuka kong tunggu pa torang di Troas.

Kisah Para Rasul 20:9

Kong ada ana muda satu yang pe nama Eutikhus, dia me dengar Paulus bicara tapi dia dudu di jendela. Kong, karna Paulus bicara lama skali, ana muda itu jadi manganto, lama-lama dia tasono kong jatu dari tingkat tiga itu. Waktu dorang angka pa dia, dia so mati.

Kisah Para Rasul 28:23

Abis itu, dorang tentukan satu hari lagi la mo baku dapa ulang deng Paulus. Pas hari itu, banya skali orang datang pa Paulus pe tampa tinggal. Pagi sampe sore, Paulus kase tau deng basaksi pa dorang tentang Tuhan Allah Berkuasa sebagai Raja pa Dia pe umat. Paulus me pake ayat-ayat yang ada di lima kitab Musa deng ayat-ayat di nabi-nabi laeng pe kitab supaya dorang mangarti kong percaya pa Yesus.

1 Korintus 10:16

Waktu torang iko perjamuan, torang minum anggur dari cawan kong bilang tarimakasi pa Tuhan. Deng torang minum anggur itu, itu pe arti, Tuhan Allah so biking torang jadi satu deng Yesus Kristus pe dara yang tatumpa di kayu salib. Kong waktu torang pela-pela roti kong makang, itu pe arti, Tuhan Allah so biking torang jadi satu deng Yesus Kristus pe badan yang tapaku di kayu salib.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

1 Korintus 16:2

Bagus kalu tiap hari Minggu, ngoni masing-masing buka ngoni pe doi laeng dari ngoni pe hasil karja, kong simpang itu di ruma, supaya waktu kita datang, ngoni tara cari-cari lagi untuk kumpul doi itu.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Wahyu 1:10

Satu kali bagini, pas hari sambayang, Tuhan pe Roh kuasai pa kita. Turus, kita dapa dengar suara yang kuat skali dari kita pe balakang. Suara itu pe bunyi sama deng trompet pe babunyi.