Kisah Para Rasul 20:4 - Perjanjian Baru Bahasa Melayu Maluku Utara

⁴ Ada babarapa orang yang iko pa Paulus. Dorang itu: Sopater dari kota Berea (dia itu Pirus pe ana), Aristarkhus deng Sekundus dari kota Tesalonika, Gayus dari kota Derbe, Timotius, deng dua orang dari daera Asia Kecil yang pe nama Tikhikus deng Trofimus.

Kisah Para Rasul 20:4 ပူးပေါင်းရင်းမြစ်များ

Kisah Para Rasul 14:20

Tapi waktu orang-orang percaya ka sana kuliling pa dia, dia langsung badiri kong maso ulang di kota itu. Dia pe beso, dia barangkat di kota Derbe sama-sama deng Barnabas.

Kisah Para Rasul 14:6

Tapi Paulus deng Barnabas dapa tau rencana jahat itu. Karna itu, dorang dua pigi manyingkir di daera Likaonia. Di situ dorang pigi di kota Listra deng di kota Derbe, deng di tampa-tampa laeng di daera itu.

Kisah Para Rasul 16:1

Paulus bajalang di kota Derbe, kong dia turus di kota Listra. Di situ, Paulus baku dapa deng satu orang yang pe nama Timotius, dia ini so percaya pa Yesus. Dia pe mama itu orang Yahudi yang so percaya pa Yesus Kristus, kong dia pe papa bukang orang Yahudi.

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Kisah Para Rasul 17:1

Pe kaluar dari kota Filipi, Paulus deng Silas kase turus dorang dua pe perjalanan. Dorang pigi di kota Tesalonika lewat kota Amfipolis deng kota Apolonia. Di Tesalonika, ada ruma ibada agama Yahudi.

Kisah Para Rasul 17:13

Tapi waktu orang-orang Yahudi di kota Tesalonika dapa tau di kota Berea lagi Paulus kase tau Kabar Bae dari Tuhan Allah, dorang me pigi ka sana kase-kase panas pa orang banya itu pe pikiran.

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 2:9

Torang ini ada yang dari negara Partia, Media, Elam, deng Mesir. Ada lagi dari daera Mesopotamia, Yudea, Kapadokia, Pontus, deng Asia Kecil,

Kisah Para Rasul 20:16

Paulus suka mo capat-capat sampe di kota Yerusalem, barang dia rencana baku riki deng orang Yahudi pe hari raya Pentakosta di Yerusalem. Karna itu, dia tara basingga di kota Efesus, supaya dia pe waktu tara tabuang di daera Asia Kecil.

Kisah Para Rasul 20:18

Waktu dorang so datang di Miletus, Paulus bilang pa dorang bagini, “Sudara-sudara, ngoni samua tau bagimana kita pe hidup, mulai kita datang di daera Asia Kecil ini sampe skarang.

Kisah Para Rasul 21:29

Dorang bilang bagitu, barang dorang so perna lia Paulus baku bawa deng Trofimus di kota Yerusalem. Trofimus ini orang yang bukang Yahudi, dari kota Efesus. Jadi dorang kira Paulus so bawa pa dia di dalam Ruma Ibada Pusat, padahal tarada.

Kisah Para Rasul 27:2

Torang samua nae kapal yang baru datang dari kota Adramitium. Kapal itu mo basingga-singga di pelabuhan-pelabuhan di daera Asia Kecil. Ada satu orang lagi yang iko pa torang, dia pe nama Aristarkhus. Dia orang Makedonia dari kota Tesalonika. Torang samua balayar dari kota Kaisarea.

Roma 16:21

Timotius kita pe tamang karja, ada kirim salam pa ngoni. Deng ada salam dari Lukius, Yason deng Sosipater, kita pe tamang-tamang yang sama-sama orang Yahudi.

Roma 16:23

Gayus lagi ada kirim salam pa ngoni. Dia yang ada kase dia pe ruma untuk kita manumpang, deng dia lagi ada kase dia pe ruma pa jemaat la bakumpul untuk baibada. Kong Erastus, bendahara kota, deng torang pe sudara yang percaya yang pe nama Kwartus, ada kirim salam lagi pa ngoni.

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

2 Korintus 1:19

Ngoni bole percaya kita pe bicara skarang ini, karna Yesus Kristus, Anak Allah yang kita, Silwanus deng Timotius ada kase tau pa ngoni, tetap biking apa yang Dia so bilang. Dia pantas torang percaya. Dia tara perna bilang “iyo” kong di Dia pe hati bilang “tarada”.

Efesus 6:21

Sudara-sudara, kita mau ngoni me tau kita pe keadaan deng apa yang kita biking di sini. Jadi, kita kirim Tikhikus pigi pa ngoni supaya dia kase tau pa ngoni kita pe keadaan ini. Tikhikus itu, torang pe sudara yang sama-sama percaya deng yang torang sayang, kong dia lagi setia layani pa Tuhan.

Filipi 2:19

Kita baharap pa Tuhan Yesus, so tara lama lagi kita bole suru Timotius pigi lia pa ngoni. Deng bagitu, waktu dia bale pa kita, kita bisa tau ngoni pe kabar dari dia la kita pe hati jadi sanang.

Kolose 4:10

Aristarkhus yang dapa penjara sama-sama deng kita di sini, ada kirim salam pa ngoni. Markus lagi yang Barnabas pe sudara sepupu itu, ada kirim salam pa ngoni. Tuhari kita so pasáng pa ngoni, jadi kalu Markus datang, ngoni tarima pa dia bae-bae.

Kolose 4:7

Sudara-sudara, nanti Tikhikus yang kase tau kita pe kabar pa ngoni. Tikhikus itu torang pe sudara yang percaya, yang torang sayang. Dia setia biking apa yang Yesus Kristus suru, deng dia itu torang pe tamang karja yang sama-sama karja untuk Tuhan.

1 Timotius 1:1

Timotius, salam dari kita Paulus, Kristus Yesus pe utusan yang orang sebut rasul. Kita jadi rasul, itu karna iko Tuhan Allah deng Kristus Yesus pe parenta. Tuhan Allah itu yang kase slamat pa torang, deng Kristus Yesus itu yang jadi torang pe harapan.

2 Timotius 1:2

Timotius, kita sayang pa ngana sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus, torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

2 Timotius 4:12

Kita so suru pa Tikhikus pigi ka sana pa ngana di kota Efesus.

2 Timotius 4:20

Erastus masi tinggal di kota Korintus. Trofimus terpaksa kita kase tinggal pa dia di kota Miletus karna dia saki.

Titus 3:12

Titus, kita mo suru pa Artemas atau Tikhikus pigi ka sana pa ngana. Kalu dia so sampe, ngana berusaha capat-capat datang kamari pa kita di kota Nikopolis, karna kita so ambe keputusan la mo tinggal di kota itu selama musim dingin ini.

Filemon 1:24

Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.