Kisah Para Rasul 20:2 - Perjanjian Baru Bahasa Melayu Maluku Utara

² Di daera Makedonia, dia basingga-singga pa orang-orang percaya di kampong-kampong, kong kase banya nasehat pa dorang la dorang pe percaya lebe tamba kuat. Abis dari Makedonia, dia pigi di daera Yunani.

Kisah Para Rasul 20:2 ပူးပေါင်းရင်းမြစ်များ

Lukas 3:18

Ada banya nasehat laeng lagi yang Yohanes bilang pa orang banya itu la dorang bertobat, deng supaya dorang iko Kabar Bae dari Tuhan Allah.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Kisah Para Rasul 15:41

Turus dorang barangkat bakuliling di daera Siria deng di daera Kilikia, kong di tampa-tampa itu dorang dua kase kuat jemaat-jemaat pe percaya.

Kisah Para Rasul 16:12

Dari Neapolis torang tiga bajalang pigi di kota Filipi. Kota itu, satu kota yang penting di Makedonia, kong pemerinta Roma yang berkuasa di situ. Pe sampe di Filipi, torang tinggal babarapa hari.

Kisah Para Rasul 17:1

Pe kaluar dari kota Filipi, Paulus deng Silas kase turus dorang dua pe perjalanan. Dorang pigi di kota Tesalonika lewat kota Amfipolis deng kota Apolonia. Di Tesalonika, ada ruma ibada agama Yahudi.

Kisah Para Rasul 17:10

Dia pe malam itu suda, orang-orang percaya di kota Tesalonika antar pa Paulus deng Silas barangkat pigi di kota Berea. Kong waktu Paulus deng Silas sampe di sana, dorang dua pigi di ruma ibada agama Yahudi.

Kisah Para Rasul 2:40

Petrus bicara banya lagi pa dorang. Dia nasehat pa dorang deng kase kuat dorang pe hati, dia bilang, “Skarang ini banya orang jahat, jadi jang ngoni iko pa dorang. Tapi ngoni musti serakan ngoni pe diri pa Tuhan Allah, supaya ngoni slamat.”

Kisah Para Rasul 20:1

Pe abis kaco di kota Efesus itu, Paulus pangge pa orang-orang percaya yang ada di situ, kong kase nasehat yang biking kuat dorang pe percaya pa Tuhan Yesus. Abis itu, dia basiloloa kong pigi di daera Makedonia.

Kisah Para Rasul 20:11

Waktu samua orang so bale ka atas, Paulus pela-pela roti la dorang makang sama-sama. Kong dia bacarita deng dorang sampe pagi. Abis itu, dia kase tinggal kota Troas.

Kisah Para Rasul 20:3

Paulus tinggal di situ selama tiga bulan. Abis itu, dia basadia mo balayar pigi di daera Siria. Tapi waktu dia mo nae di kapal, dia dengar, orang-orang Yahudi ada rencana mo bunu pa dia. Karna itu, dia tara jadi nae kapal tapi dia bale bajalang kaki iko Makedonia.

1 Korintus 4:19

Tapi kalu Tuhan mau kita datang, tara lama kita akan datang pa ngoni. Kong waktu kita so ada deng ngoni, kita akan tau orang-orang yang basombong itu. Kita akan lia apa butul dong biking banya hal yang bae itu pake Tuhan pe kuasa, atau dong cuma banya mulu saja.

Kolose 1:28

Jadi, kamana saja torang pigi, Yesus Kristus itu saja yang torang kase tau pa tiap-tiap orang. Torang jaga kase inga deng kase ajar pa dorang, pake hikmat yang Tuhan Allah kase pa torang, supaya pa Tuhan Allah pe muka, tiap-tiap orang itu butul-butul percaya pa Yesus Kristus.

1 Tesalonika 2:11

Ngoni samua tau torang pe cara ajar pa ngoni, sama deng papa yang bae urus pa dia pe ana-ana sandiri.

1 Tesalonika 2:3

Torang kase tau Kabar Bae itu, supaya ngoni percaya pa Tuhan Yesus, kong yang torang kase tau itu, bukang ajaran yang tara butul. Torang tara maksut jahat deng tara mau kase foya orang.

1 Tesalonika 4:1

Sudara-sudara, torang so kase ajar pa ngoni cara hidup untuk biking sanang Tuhan Allah pe hati, kong ngoni so hidup sama deng itu. Tapi skarang karna torang samua so satu hati deng Tuhan Yesus, torang minta supaya ngoni lebe tamba berusaha biking sanang Tuhan Allah pe hati.