Kisah Para Rasul 2:5 - Perjanjian Baru Bahasa Melayu Maluku Utara

⁵ Waktu hari raya itu, banya orang agama Yahudi yang merantau di samua bangsa di dunia, datang di Yerusalem. Dorang itu yang rajin iko aturan agama Yahudi.

Kisah Para Rasul 2:5 ပူးပေါင်းရင်းမြစ်များ

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Lukas 17:24

Karna waktu Anak Manusia yang dari sorga mo datang ulang, samua orang di dunia bisa lia. Itu sama deng kilat bapancar dari langit pe ujung yang satu sampe di ujung yang laeng.

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Lukas 24:18

Turus satu orang dari dorang, dia pe nama Kleopas, bilang pa Yesus, “Cuma Bapa saja yang datang di Yerusalem yang tara tau apa yang so jadi baru-baru ini?”

Yohanes 12:20

Dari samua orang yang datang basambayang di Yerusalem untuk iko agama Yahudi pe hari raya, ada lagi orang-orang bukang Yahudi yang datang.

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Kisah Para Rasul 10:7

Abis bilang bagitu, malaekat itu langsung kase tinggal pa Kornelius. Turus Kornelius pangge pa dia pe orang karja dua orang deng tentara satu yang jaga kawal pa dia. Tentara itu me jaga iko Tuhan Allah pe mau.

Kisah Para Rasul 13:50

Tapi orang-orang Yahudi malawang pa Tuhan pe Firman. Dorang pengaru pa pejabat-pejabat di kota itu deng pa parampuang-parampuang kaya yang baibada supaya dorang siksa pa Paulus deng Barnabas kong user pa dorang dari daera itu.

Kisah Para Rasul 2:1

Waktu orang Yahudi biking dorang pe sukur bapanen yang dong sebut hari raya Pentakosta, samua orang yang percaya pa Yesus bakumpul di ruma satu di Yerusalem.

Kisah Para Rasul 22:12

Di Damsyik, ada satu orang yang pe nama Ananias. Dia rajin iko aturan-aturan di lima kitab Musa. Samua orang Yahudi yang ada di situ tau dia itu orang bae-bae.

Kisah Para Rasul 8:2

Turus, orang-orang yang dengar-dengaran pa Tuhan Allah ambe Stefanus pe mayat kong dong kubur. Dorang manangis deng rasa sedi skali.

Kisah Para Rasul 8:27

Pe dengar itu, Filipus langsung barangkat. Di tenga jalang, dia lia pejabat satu dari tana Etiopia. Pejabat itu dia pe karja jaga urus raja parampuang Etiopia pe harta. Pejabat itu baru abis basambayang di kota Yerusalem,

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.