Kisah Para Rasul 2:47 - Perjanjian Baru Bahasa Melayu Maluku Utara

⁴⁷ Dorang salalu puji pa Tuhan Allah, deng orang banya suka pa dorang. Kong tiap hari, Tuhan biking sampe orang yang percaya pa Dia tatamba turus supaya dorang dapa slamat dari dosa-dosa.

Kisah Para Rasul 2:47 ပူးပေါင်းရင်းမြစ်များ

Lukas 19:48

tapi dorang tara tau bagimana dia pe cara mo bunu pa Dia, karna samua orang yang tinggal di kota itu so suka skali dengar Yesus pe ajaran.

Lukas 2:52

Yesus lebe tamba basar kong lebe tau banya hal. Tuhan Allah tamba sayang pa Dia, deng orang-orang me tamba sanang deng Dia.

Kisah Para Rasul 11:21

Kong Tuhan Allah sama-sama deng dorang, sampe banya skali orang yang bukang Yahudi jadi percaya pa Tuhan Yesus deng bertobat.

Kisah Para Rasul 11:24

Barnabas itu orang yang bae, Roh Kudus kuasai pa dia deng dia percaya skali pa Tuhan. Banya orang yang dengar pa dia jadi lebe percaya pa Tuhan Yesus.

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Kisah Para Rasul 14:1

Waktu Paulus deng Barnabas di kota Ikonium, dorang maso di ruma ibada agama Yahudi sama deng dorang jaga biking di daera laeng. Di situ dorang deng barani kase tau tentang Tuhan Allah pe Kabar Bae sampe banya orang Yahudi deng orang-orang yang bukang Yahudi jadi percaya pa Yesus.

Kisah Para Rasul 14:21

Di Derbe, Paulus deng Barnabas kase tau Kabar Bae tentang Yesus Kristus sampe banya orang jadi percaya. Abis itu, dorang dua bale di kota Listra, turus di kota Ikonium deng di kota Antiokhia di daera Pisidia.

Kisah Para Rasul 16:5

Waktu jemaat-jemaat dengar keputusan-keputusan itu, dorang pe percaya pa Tuhan Yesus tatamba kuat. Kong tiap hari, orang-orang yang percaya pa Tuhan Yesus lebe tatamba banya.

Kisah Para Rasul 17:12

Kong banya orang Yahudi itu jadi percaya pa Yesus. Di situ me ada banya lagi orang bukang Yahudi yang jadi percaya pa Yesus. Dorang itu, laki-laki deng parampuang-parampuang penting di kota itu.

Kisah Para Rasul 2:39

Barang, samua itu Tuhan Allah so janji pa ngoni deng pa ngoni pe turunan, deng pa orang-orang bukang Yahudi lagi. Janji itu Tuhan Allah mo kase pa samua orang yang Dia pangge iko pa Dia.”

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 4:21

Pe dengar itu, pemimpin-pemimpin agama Yahudi itu larang lebe karas pa Petrus deng Yohanes. Tapi biar bagitu me, dorang kase bebas pa Petrus deng Yohanes, karna pemimpin-pemimpin itu tara tau mo hukum apa pa dong dua. Dorang me tako jang sampe orang banya itu mo mangamo, karna orang banya di situ puji pa Tuhan Allah gara-gara orang lumpu itu so jadi sembu.

Kisah Para Rasul 4:33

Kong, Yesus pe utusan-utusan yang orang sebut rasul-rasul, dorang dapa kuasa basar dari Tuhan Allah, sampe dorang barani kase tau pa orang-orang, Yesus so hidup ulang. Kong Tuhan Allah kase Dia pe bae pa dorang talebe-lebe.

Kisah Para Rasul 4:4

Tapi orang-orang yang dengar Petrus deng Yohanes pe ajaran itu, banya yang jadi percaya pa Yesus. Laki-laki yang percaya waktu itu, dorang pe banya kira-kira lima ribu orang.

Kisah Para Rasul 6:1

Waktu itu, orang-orang yang percaya pa Tuhan Yesus so tatamba banya, kong dorang samua orang Yahudi. Ada yang tinggal di Yerusalem yang pake bahasa Ibrani, deng ada lagi yang tinggal di luar Yerusalem yang pake bahasa Yunani. Tapi, di antara dorang itu, ada masala. Yang pake bahasa Yunani tara sanang pa orang-orang yang pake bahasa Ibrani, gara-gara tiap hari waktu orang-orang percaya kase bage makanang pa janda-janda, dorang pe janda-janda tara dapa bagian yang sama deng orang-orang yang pake bahasa Ibrani pe janda-janda.

Kisah Para Rasul 6:7

Mulai dari situ, Tuhan Allah pe firman lebe tamba tasiar, kong orang-orang di Yerusalem yang percaya pa Tuhan Yesus lebe tamba banya. Imam-imam Yahudi me banya yang jadi percaya pa Yesus.

Kisah Para Rasul 9:31

Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.

Kisah Para Rasul 9:35

Bagitu samua orang di kampong Lida deng di daera Saron lia Eneas so sembu, dorang me jadi percaya pa Tuhan.

Roma 14:18

Orang yang iko pa Yesus Kristus deng cara hidup macam bagitu, dia biking Tuhan Allah pe hati sanang kong orang-orang me hormati pa dia.

Roma 8:30

Kong dorang yang Tuhan Allah so pili dari dulu itu, Dia pangge pa dorang jadi Dia pe umat. Dorang itu, Tuhan Allah biking jadi orang yang tara sala pa Dia pe muka. Kong nanti dorang itu mo dapa puji deng hormat sama-sama deng Dia.

Roma 9:27

Tapi tentang orang Yahudi, Tuhan Allah togor karas pa dorang, kong ada tatulis di kitab nabi Yesaya bagini, “Biar orang Israel pe turunan banya sama deng paser di laut, tapi nanti cuma sadiki saja yang mo slamat dari dosa-dosa.

1 Korintus 1:18

Ada orang yang bapikir, Kabar Bae tentang Yesus mati di kayu salib untuk tebus manusia pe dosa, itu orang bodo pe carita. Dorang itu mo tapisa deng Tuhan Allah slama-lamanya. Tapi untuk torang yang so dapa slamat karna percaya Kabar Bae itu, torang tau, Kabar Bae itu ada kuasa dari Tuhan Allah untuk kase slamat pa manusia.