Kisah Para Rasul 2:43 - Perjanjian Baru Bahasa Melayu Maluku Utara

⁴³ Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah.

Kisah Para Rasul 2:43 ပူးပေါင်းရင်းမြစ်များ

Yohanes 14:12

Inga bae-bae yang Kita mo bilang pa ngoni ini. Sapa saja yang percaya pa Kita, orang itu butul-butul mo biking apa saja yang Kita so biking. Mala, dia bole biking yang lebe basar lagi dari yang Kita so biking, karna Kita pigi pa Kita pe Bapa.

Lukas 8:37

Kong samua orang di daera Gerasa bamohon pa Yesus supaya Dia kase tinggal dorang pe daera karna dorang samua so tako skali. Karna itu Yesus nae di parau kong balayar ulang.

Lukas 7:16

Samua orang yang lia apa yang jadi itu, dorang tako kong puji deng hormat pa Tuhan Allah bagini, “Nabi basar satu so ada pa torang di sini! Tuhan Allah butul so datang untuk tolong pa Dia pe umat!”

Markus 16:17

Orang-orang yang percaya pa Kita itu, Tuhan Allah akan kase kuasa pa dorang untuk biking tanda-tanda macam bagini: dorang akan user setang-setang pake Kita pe nama, dorang akan bicara pake bahasa-bahasa yang dorang bolong perna tau,

Kisah Para Rasul 9:40

Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu.

Kisah Para Rasul 4:33

Kong, Yesus pe utusan-utusan yang orang sebut rasul-rasul, dorang dapa kuasa basar dari Tuhan Allah, sampe dorang barani kase tau pa orang-orang, Yesus so hidup ulang. Kong Tuhan Allah kase Dia pe bae pa dorang talebe-lebe.

Kisah Para Rasul 9:34

Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!” Waktu itu suda, Eneas langsung bangun.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Kisah Para Rasul 5:5

Waktu Ananias dengar Petrus bilang bagitu, Ananias langsung tabanting di tana kong mati. Samua orang yang dengar kejadian itu jadi tako skali.