Kisah Para Rasul 2:27 - Perjanjian Baru Bahasa Melayu Maluku Utara

²⁷ Barang, Tuhan tara akan kase biar kita mati turus-turus, deng Tuhan tara akan kase biar Dia pe Orang Kudus pe badan jadi busu di dalam kubur.

Kisah Para Rasul 2:27 ပူးပေါင်းရင်းမြစ်များ

Kisah Para Rasul 2:31

Daud me tau apa yang Tuhan Allah mo biking deng Raja itu. Jadi Daud kase tau memang, Mesias, Raja yang Tuhan Allah janji mo kase slamat pa manusia itu, Dia mati tapi Tuhan Allah tara akan kase biar Dia mati turus-turus, deng Dia pe badan tara jadi busu di dalam kubur.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 20:13

Laut serakan orang-orang yang mati yang ada di tampa itu, kuasa yang biking orang mati me serakan orang-orang yang so mati di tampa itu, deng tampa orang mati me serakan orang-orang yang so mati di situ. Dorang samua dapa adili iko deng apa yang dong so biking.

1 Korintus 15:55

Ee, kuasa yang biking orang mati, so kala ngana! Mana ngana pe bisa yang bisa biking orang sampe mati?”

1 Korintus 15:52

Itu akan jadi tiba-tiba waktu trompet yang terahir babunyi. Karna waktu trompet yang terahir babunyi, orang-orang yang so mati akan hidup ulang, kong dorang pe badan mo beruba jadi badan yang tara akan mati lagi. Kong torang yang masi hidup, torang pe badan akan beruba jadi baru,

Yohanes 11:39

Sampe di sana, Yesus bilang, “Sorong batu itu.” Tapi Marta, Lazarus pe sudara itu bilang, “Tuhan, so ampa hari ini dia mati, pasti dia so bobou skali.”

Wahyu 3:7

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Filadelfia. Ngana tulis bagini: Ini pasáng dari Yang Kudus deng Yang Butul, deng yang pegang kunci di raja Daud pe kerajaan. Kalu Dia buka pintu, tarada satu orang yang bisa tutu. Deng kalu Dia so tutu pintu, tarada satu orang yang bisa buka itu.

1 Yohanes 2:20

Tapi ngoni, Tuhan Allah so kase Roh Kudus untuk kuasai pa ngoni, deng karna itu, ngoni samua so tau ajaran yang butul.

Lukas 4:34

“Ee Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Markus 1:24

“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”

Matius 11:23

Kong ngoni orang-orang Kapernaum, ngoni kira Tuhan Allah mo angka pa ngoni di sorga? Tarada. Mala, Dia mo buang pa ngoni di neraka, karna ngoni so lia-lia Kita biking mujizat-mujizat tapi ngoni tetap tara mau bertobat. Padahal kalu jaman dulu mujizat-mujizat itu Kita biking di kota Sodom, pasti kota itu masi ada sampe skarang.

Kisah Para Rasul 4:27

Apa yang raja Daud bilang dulu itu, butul-butul so jadi skarang. Di kota ini, raja Herodes, gubernur Pontius Pilatus, orang-orang bangsa Israel deng orang-orang bangsa laeng yang bukang Yahudi, dorang samua itu so baku ator supaya malawang pa Yesus, Orang yang Tuhan Allah so pili, yang suci, deng yang jaga biking apa yang Tuhan Allah suru.

Kisah Para Rasul 3:14

Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang.

Lukas 16:23

Di tampa orang-orang mati, orang kaya itu sengsara skali. Waktu dia balia ka atas, dari jao dia lia Lazarus ada di Abraham pe pinggir.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Kisah Para Rasul 2:26

Karna itu, kita pe hati sanang skali, deng kita pe mulu, kita puji-puji pa Tuhan, kong kita pe diri rasa tenang, karna kita baharap turus pa Dia.

Kisah Para Rasul 2:28

Tuhan kase tunju jalang pa kita, supaya kita bole dapa hidup deng Tuhan slama-lamanya. Kita pe hati paling sanang skali karna Tuhan ada sama-sama deng kita turus-turus.’