Kisah Para Rasul 2:22 - Perjanjian Baru Bahasa Melayu Maluku Utara

²² Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Kisah Para Rasul 2:22 ပူးပေါင်းရင်းမြစ်များ

Matius 12:28

Tapi Kita, kalu Kita user setang-setang pake Tuhan Allah pe Roh pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Matius 2:23

Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Matius 9:8

Pe lia itu, orang banya itu jadi tako kong dorang puji deng hormat pa Tuhan Allah, barang Dia so kase kuasa yang basar itu pa manusia di dunia.

Lukas 11:20

Tapi Kita, kalu Kita user setang-setang pake Tuhan Allah pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Lukas 18:37

Turus dorang kase tau pa dia, “Yesus, orang Nazaret itu ada lewat.”

Lukas 24:18

Turus satu orang dari dorang, dia pe nama Kleopas, bilang pa Yesus, “Cuma Bapa saja yang datang di Yerusalem yang tara tau apa yang so jadi baru-baru ini?”

Yohanes 1:45

Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 10:37

Kalu Kita tara biking yang Kita pe Bapa suru, ngoni bole tara percaya pa Kita.

Yohanes 11:47

Pe dengar itu, orang-orang dari aliran Farisi deng imam-imam kapala, dorang pangge pa pemimpin-pemimpin agama Yahudi pe kumpulan yang paling tinggi yang jaga adili orang. Kumpulan itu pe nama Mahkama Agama. Kong dorang bilang, “Apa yang torang musti biking deng Orang ini? Barang Dia so biking banya mujizat.

Yohanes 12:17

Orang banya yang ada waktu Yesus pangge pa Lazarus kaluar dari kubur la kase hidup ulang pa dia, dorang itu kase tau turus pa orang-orang.

Yohanes 15:24

Kalu misalnya Kita tara biking mujizat-mujizat sama deng yang orang laeng tara perna biking, pasti Tuhan Allah tara bilang dorang itu berdosa kalu dorang binci pa Kita. Tapi ini, dorang so lia mujizat-mujizat yang Kita biking, tapi dorang tetap binci pa Kita deng pa Kita pe Bapa lagi.

Yohanes 19:19

Pilatus suru kase paku papan spanggal di atas salib itu, yang tatulis bagini, ‘Ini Yesus orang Nazaret, orang Yahudi pe Raja.’

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 4:48

Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Yohanes 5:36

Tapi ada bukti yang lebe basar dari apa yang Yohanes kase tau tentang Kita, yang kase tunju pa orang, Kita ini memang Tuhan Allah yang utus. Bukti itu, Kita pe ajaran deng mujizat yang Kita pe Bapa suru Kita biking kong Kita biking skarang. Kita pe ajaran deng mujizat itu kase tunju pa orang, Kita ini memang yang Tuhan Allah utus.

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 6:27

Jang ngoni cuma cari-cari makanang yang biasa torang jaga makang di dunia ini, karna makanang itu capat mo abis deng mo busu. Tapi ngoni musti berusaha karas supaya dapa makanang dari sorga yang tara akan busu, kong bole biking ngoni hidup deng Tuhan Allah slama-lamanya. Makanang itu yang Anak Manusia mo kase pa ngoni, barang Tuhan Allah so kase kuasa itu pa Anak Manusia.”

Yohanes 7:31

Tapi di antara orang banya itu, ada banya yang so jadi percaya pa Dia, kong dorang bilang, “Pasti ini Mesias suda, Raja yang Tuhan Allah janji mo kase slamat pa manusia. Barang, tara ada orang yang bisa biking mujizat lebe banya dari yang Dia ada biking.”

Yohanes 9:33

Jadi kalu Orang yang kase sembu pa kita itu tara datang dari Tuhan Allah, Dia pasti tara bisa biking apa-apa!”

Kisah Para Rasul 13:16

Pe dengar itu, Paulus badiri. Dia kase kode pake dia pe tangan pa orang-orang yang ada di situ la dorang badiam. Turus dia bilang pa dorang, “Sudara-sudara orang Israel deng orang-orang laeng yang jaga semba pa Tuhan Allah, coba ngoni dengar dulu pa kita!

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Kisah Para Rasul 2:19

Kita mo biking mujizat-mujizat deng tanda-tanda yang kase tunju Kita pe kuasa di langit deng di bumi. Akan ada dara, api deng asap bagumpal-gumpal.

Kisah Para Rasul 2:43

Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah.

Kisah Para Rasul 21:28

Dorang bataria, “Ee, sudara-sudara orang-orang Israel! Tolong pa torang dulu! Orang ini suda yang jaga mangajar pa samua orang di mana-mana tentang ajaran-ajaran yang malawang pa torang bangsa Israel. Dia me ajar supaya torang tara iko lagi aturan-aturan di lima kitab Musa, deng supaya torang tara hormati Ruma Ibada Pusat ini. Apalagi skarang, dia bawa pa orang-orang yang bukang Yahudi di Ruma Ibada Pusat ini, sampe biking tampa ini jadi tara suci lagi!”

Kisah Para Rasul 22:8

Kong kita tanya, ‘Sapa ini kong?’ Suara itu bilang, ‘Kita Yesus, orang Nazaret yang ngana jaga siksa.’

Kisah Para Rasul 24:5

Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Kisah Para Rasul 26:26

Raja Agripa sandiri tau samua yang kita bilang itu, jadi kita barani bicara tarang-tarang pa raja pe muka. Samua itu jadi di orang banya pe muka, jadi kita yakin tarada satu yang raja tara tau.

Kisah Para Rasul 26:9

Dulu, kita me bapikir, tara mungkin Yesus orang Nazaret itu hidup ulang, jadi kita kira Dia pe ajaran itu sesat. Karna itu, kita biking apa saja untuk tantang Yesus pe nama, sampe kita me siksa pa orang-orang yang percaya pa Dia.

Kisah Para Rasul 3:12

Waktu Petrus lia orang banya itu, dia bilang pa dorang, “Ee, sudara-sudara orang-orang Israel, bikiapa kong ngoni herang dia sembu? Deng bikiapa kong ngoni haga-haga pa torang turus? Dia so bisa bajalang, itu bukang karna torang pe kuasa deng bukang karna torang ini salalu biking Tuhan Allah pe mau.

Kisah Para Rasul 3:6

Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”

Kisah Para Rasul 4:10

Jadi, bapa-bapa deng samua orang Israel musti tau, orang itu bisa sembu deng badiri pa ngoni pe muka, itu karna Yesus Kristus orang Nazaret itu pe kuasa. Yesus itu yang ngoni so kase salib, tapi Tuhan Allah so kase hidup ulang pa Dia.

Kisah Para Rasul 5:35

Abis itu, Gamaliel bilang pa dia pe tamang-tamang di Mahkama Agama itu, “Sudara-sudara orang Israel, ngoni musti pikir bae-bae apa yang ngoni mo biking pa orang-orang ini!

Kisah Para Rasul 6:14

Barang, torang so dengar dia bilang, Yesus orang Nazaret itu mo kase rubu Ruma Ibada Pusat ini, kong Dia lagi mo ruba torang orang Yahudi pe aturan-aturan yang dulu nabi Musa so kase ajar pa torang.”

2 Korintus 12:12

Waktu kita masi sama-sama deng ngoni, kita so kase bukti, kita ini memang Yesus Kristus pe utusan, karna kita biking mujizat-mujizat, deng tanda-tanda laeng yang kase tunju Tuhan Allah pe kuasa sampe orang-orang jadi herang. Kong samua yang kita biking itu, kita biking deng sabar.

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.