Kisah Para Rasul 2:21 - Perjanjian Baru Bahasa Melayu Maluku Utara

²¹ Kong sapa saja yang minta tolong pa Tuhan supaya dapa slamat, pasti dia mo slamat dari dosa.’ ”

Kisah Para Rasul 2:21 ပူးပေါင်းရင်းမြစ်များ

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Kisah Para Rasul 2:20

Matahari mo jadi galap, bulan mo jadi mera sama deng dara. Itu so jadi kamuka dulu, baru Tuhan datang ulang, untuk adili pa samua orang. Itu hari yang basar deng luar biasa.

Kisah Para Rasul 22:16

Skarang, jang tunggu lama! Badiri suda, kong kase ngana pe diri dapa baptis, minta pa Tuhan supaya Dia kase ampun ngana pe dosa-dosa.’

Kisah Para Rasul 9:11

Turus Tuhan bilang pa dia, “Ngana pigi suda di jalang yang pe nama Jalang Lurus kong cari Yudas pe ruma. Di situ ngana cari pa satu orang yang pe nama Saulus. Dia itu orang Tarsus, kong skarang dia sementara berdoa.

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.