Kisah Para Rasul 2:10 - Perjanjian Baru Bahasa Melayu Maluku Utara

¹⁰ Frigia, Pamfilia, deng dari daera-daera di Libia yang baku dekat deng kampong Kirene. Ada lagi pendatang dari kota Roma,

Kisah Para Rasul 2:10 ပူးပေါင်းရင်းမြစ်များ

Matius 2:15

Dorang tinggal di sana sampe raja Herodes mati. Samua itu jadi sama deng yang Tuhan Allah so bilang dulu pa nabi bagini, “Kita pangge Kita pe Anak la kaluar dari tana Mesir.”

Matius 23:15

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni balayar di mana-mana, kaluar maso kampong cuma mo cari orang la iko ngoni pe ajaran. Tapi bagitu orang itu so jadi ngoni pe pengikut, ngoni biking dia jadi dua kali lebe jahat dari ngoni, ngoni so biking dia siap untuk maso neraka.

Matius 27:32

Waktu tentara-tentara bawa pa Yesus kaluar dari kota Yerusalem itu, dorang baku dapa deng satu orang dia pe nama Simon. Simon ini orang Kirene. Kong tentara-tentara itu paksa pa Simon la pikul Yesus pe salib.

Markus 15:21

Di tenga jalang, dorang baku dapa deng satu orang dia pe nama Simon. Simon ini orang Kirene, Aleksander deng Rufus pe papa. Dia baru datang dari luar kota. Kong tentara-tentara itu paksa pa dia la pikul Yesus pe salib.

Kisah Para Rasul 11:20

Tapi ada lagi babarapa orang percaya dari pulo Siprus deng kota Kirene yang pigi di Antiokhia. Di situ, dorang mulai kase tau Kabar Bae tentang Yesus Kristus pa orang-orang bukang Yahudi.

Kisah Para Rasul 13:1

Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

Kisah Para Rasul 13:13

Paulus deng dia pe tamang-tamang balayar dari kota Pafos di pulo Siprus, pigi di kota Perga pe sabla di daera Pamfilia. Di situ, Yohanes kase tinggal pa dorang kong pulang di Yerusalem.

Kisah Para Rasul 13:43

Abis itu, orang-orang kaluar dari ruma ibada kong ada banya orang yang iko pa Paulus deng Barnabas. Dorang itu orang-orang Yahudi deng orang-orang bukang Yahudi yang so maso agama Yahudi. Paulus deng Barnabas kase nasehat pa dorang supaya dong tetap percaya pa Tuhan Allah yang so kase Dia pe bae pa dorang sampe dong bole slamat dari dosa.

Kisah Para Rasul 14:24

Abis kuliling di daera Pisidia, Paulus deng Barnabas pigi di daera Pamfilia.

Kisah Para Rasul 15:38

Tapi Paulus tara setuju. Barang, Markus perna berenti karja kase tau Kabar Bae deng dorang, kong kase tinggal pa dong di daera Pamfilia.

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Kisah Para Rasul 17:21

Dorang minta bagitu, barang samua orang yang tinggal di Atena suka buang banya waktu untuk badengar deng badiskusi ajaran-ajaran baru.

Kisah Para Rasul 18:2

Di Korintus ada satu orang, dia pe nama Akwila. Akwila ini orang Yahudi dari daera Pontus. Dia deng dia pe bini Priskila baru datang dari daera Italia, barang raja basar Klaudius so parenta pa samua orang Yahudi musti kaluar dari kota Roma. Waktu Paulus sampe di kota Korintus, Paulus baku dapa deng Akwila kong dia singga pa Akwila pe ruma.

Kisah Para Rasul 18:23

Dia tinggal di situ sadiki lama. Abis itu, dia pigi di tampa-tampa laeng, di daera Galatia deng Frigia. Di tampa-tampa itu, dia kase kuat orang-orang percaya pe hati.

Kisah Para Rasul 2:11

dari torang bangsa Yahudi deng yang bukang bangsa Yahudi tapi yang so maso agama Yahudi. Ada lagi orang Kreta deng orang Arab. Tapi torang samua dengar dorang bicara pake tong pe bahasa masing-masing, dong kase tau hal-hal luar biasa yang Tuhan Allah so biking.”

Kisah Para Rasul 23:11

Dia pe beso malam, Tuhan Yesus datang badiri pa Paulus pe pinggir kong bilang, “Paulus, kase kuat ngana pe hati. Ngana so kase tau tentang Kita pa orang-orang di kota Yerusalem ini. Jadi, di kota Roma me, ngana musti pi kase tau bagitu lagi tentang Kita.”

Kisah Para Rasul 27:5

Dari pulo Siprus, torang balayar iko di daera Kilikia deng Pamfilia pe muka, sampe di kota Mira di daera Likia. Di situ torang turung.

Kisah Para Rasul 28:15

Orang-orang di kota Roma yang percaya pa Tuhan Yesus so dengar torang mo ka sana. Jadi dorang jemput pa torang. Ada yang jemput di kota yang pe nama Pasar Apius. Kong yang laeng jemput pa torang di kota satu yang pe nama Tiga Penginapan. Waktu Paulus lia pa dorang, dia bilang tarimakasi banya pa Tuhan Allah, kong dia pe hati lebe tamba kuat.

Kisah Para Rasul 6:5

Samua orang percaya di situ, dong tarima bae usul itu. Jadi dorang pili tuju orang ini: Stefanus (yang butul-butul percaya pa Tuhan Yesus deng yang Roh Kudus kuasai), deng Filipus, Prokhorus, Nikanor, Timon, Parmenas, deng Nikolaus. (Nikolaus ini dari Antiokhia. Dia bukang orang Yahudi asli, tapi so maso agama Yahudi, kong so percaya pa Tuhan Yesus.)

Kisah Para Rasul 6:9

Tapi di situ me ada babarapa orang yang tara suka deng Stefanus pe bicara kong dorang baku malawang deng dia. Dorang itu orang agama Yahudi dari kota Kirene, dari kota Aleksandria deng ada lagi babarapa orang dari daera Kilikia deng daera Asia Kecil. Dorang itu perna jadi orang karja yang dong pe tuang so bili, tapi skarang so jadi orang bebas. Dorang pe ruma ibada pe nama ‘Ruma Ibada Libertini’.

Roma 1:15

Itu dia pe sebab, sampe kita pe hati ingin skali mo kase tau Kabar Bae tentang Yesus Kristus pa ngoni lagi yang tinggal di kota Roma.

Roma 1:7

Kita tulis surat ini pa ngoni samua yang percaya yang tinggal di kota Roma. Ngoni Tuhan Allah sayang, deng Dia so pili pa ngoni la jadi Dia pe umat. Kita minta pa Tuhan Allah torang pe Bapa, deng pa Tuhan Yesus Kristus, supaya kase yang bae pa ngoni, deng salalu biking ngoni pe hati tetap tenang.

2 Timotius 1:17

Waktu Onesiforus datang di Roma, dia berusaha cari pa kita sampe dia baku dapa deng kita.

Wahyu 11:8

Dua saksi itu pe mayat akan tabiar-biar di jalang basar, di kota basar yang dulu orang-orang salib pa dorang pe Tuhan. Orang-orang di kota itu pe jahat skali, sampe orang jaga bilang kota itu kota Sodom atau Mesir dulu.