Kisah Para Rasul 18:8 - Perjanjian Baru Bahasa Melayu Maluku Utara

⁸ Kapala ruma ibada di situ, dia pe nama Krispus. Dia deng samua orang yang ada pa dia pe ruma jadi percaya pa Tuhan Yesus. Bagitu lagi deng orang-orang laeng di Korintus, dorang dengar apa yang Paulus ajar kong percaya pa Tuhan Yesus. Abis itu, dorang samua kase dong pe diri untuk dapa baptis.

Kisah Para Rasul 18:8 ပူးပေါင်းရင်းမြစ်များ

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Markus 5:22

Ada lagi satu orang yang datang, dia pe nama Yairus. Dia itu kapala di satu ruma ibada agama Yahudi. Bagitu dia dapa lia pa Yesus, dia ka sana kong berlutut pa Yesus pe muka.

Markus 5:35

Waktu Yesus masi bicara, ada babarapa orang datang dari Yairus pe ruma. Dorang bilang pa Yairus bagini, “Bapa, bapa pe ana so mati, jadi tara usa biking pusing lagi pa Guru.”

Kisah Para Rasul 10:2

Dia ini rajin iko Tuhan Allah pe mau. Dia deng dia pe keluarga jaga semba pa Tuhan Allah. Dia jaga bantu pa orang-orang Yahudi yang susa deng dia me rajin berdoa pa Tuhan Allah.

Kisah Para Rasul 11:14

Dia yang mo kase tau Tuhan Allah pe Kabar Bae pa ngana. Kabar Bae itu yang mo kase slamat pa ngana deng ngana pe keluarga samua.’

Kisah Para Rasul 13:15

Di situ, ada orang yang baca lima kitab Musa deng kitab nabi-nabi. Pe abis babaca, pemimpin-pemimpin ruma ibada itu suru orang bilang pa Paulus deng pa Barnabas, “Bapa-bapa, kalu ada yang ngoni ingin bilang untuk kase kuat torang pe percaya, bicara suda skarang!”

Kisah Para Rasul 16:34

Abis itu, kapala penjara itu bawa pa dorang dua pa dia pe ruma kong kase makang pa dorang. Dia deng samua orang yang tinggal di dia pe ruma sanang skali, barang dorang samua skarang so percaya pa Tuhan Allah.

Kisah Para Rasul 18:1

Abis itu, Paulus kase tinggal kota Atena kong pigi di kota Korintus.

Kisah Para Rasul 18:17

Kong orang-orang Yahudi yang ada di situ langsung tangka pa kapala ruma ibada agama Yahudi yang pe nama Sostenes. Dorang pukul pa dia pa gubernur pe muka, tapi gubernur tara peduli pa dorang.

Kisah Para Rasul 19:1

Waktu Apolos masi ada di kota Korintus di daera Akhaya, Paulus so bajalang dari daera-daera pedalaman sampe maso di kota Efesus. Di Efesus, dia baku dapa deng babarapa orang yang percaya pa Tuhan Yesus.

Kisah Para Rasul 8:12

Tapi waktu Filipus datang pa dong pe kota, dia ajar pa dorang Kabar Bae tentang Tuhan Allah mo Berkuasa sebagai Raja, deng tentang percaya pa Yesus Kristus, Raja yang Tuhan Allah janji mo kase slamat pa manusia. Pe abis dengar yang Filipus ajar itu, dorang jadi percaya sampe dorang kase dong pe diri untuk dapa baptis, biar itu laki-laki atau parampuang.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

2 Korintus 1:1

Sudara-sudara Tuhan Allah pe jemaat yang ada di kota Korintus, deng ngoni samua orang yang so jadi Tuhan Allah pe umat yang ada di seluru daera Akhaya. Salam dari kita Paulus, deng dari Timotius, torang pe sudara yang percaya. Kita ini Kristus Yesus pe utusan yang orang sebut rasul. Kita jadi rasul, itu karna Tuhan Allah pe mau.

2 Korintus 1:23

Tuhan Allah tau, kita bolong jadi datang pa ngoni di kota Korintus, barang kita tara mau togor karas pa ngoni sampe biking ngoni hati saki deng jadi malu. Tuhan Allah yang jadi saksi, barang Dia tau kita pe isi hati.

2 Korintus 6:11

Ee ngoni orang-orang Korintus! Torang bilang deng turus tarang ini pa ngoni, deng torang sayang skali pa ngoni.

2 Timotius 4:20

Erastus masi tinggal di kota Korintus. Trofimus terpaksa kita kase tinggal pa dia di kota Miletus karna dia saki.