Kisah Para Rasul 18:6 - Perjanjian Baru Bahasa Melayu Maluku Utara

⁶ Tapi orang-orang Yahudi itu tara suka yang Paulus bilang itu, kong dorang tantang deng hina pa dia. Karna itu, Paulus kase kabas abu dari dia pe baju, itu tanda dia so tara mo bapusing lagi deng dorang. Kong Paulus bilang, “Nanti ngoni sandiri yang mo tanggung hukuman dari Tuhan Allah, barang ngoni tara percaya Yesus itu Raja yang Tuhan Allah janji mo kase slamat pa manusia. Kita pe tugas mo kase tau Kabar Bae tentang Yesus Kristus pa ngoni so selesai. Karna itu, kita so tara mo tanggung jawab lagi pa ngoni. Jadi mulai skarang, kita mo pigi pa orang-orang yang bukang Yahudi la mo kase tau pa dorang Kabar Bae itu.”

Kisah Para Rasul 18:6 ပူးပေါင်းရင်းမြစ်များ

Matius 10:14

Kong kalu ada orang di satu ruma atau kota yang tara tarima pa ngoni atau tara mo dengar ngoni pe ajaran, kaluar suda dari ruma atau kota itu. Abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.

Matius 21:41

Dorang jawab pa Yesus, “Pasti dia mo bunu pa dorang yang jahat itu. Kong, dia mo baku ator deng orang-orang laeng la urus dia pe kobong anggur deng yang mau kase dia pe bagian waktu musim bapete.”

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Matius 22:10

Pe dengar itu, orang-orang karja itu pigi. Sapa saja yang dorang baku dapa di jalang-jalang dong undang, biar dia itu orang yang bae atau orang yang jahat, dorang undang sampe tampa pesta itu ponong deng tamu-tamu.

Matius 27:25

Kong orang banya itu bilang, “Iyo, biar torang deng tong pe ana cucu yang mo tanggung hukuman atas Orang itu pe kematian.”

Matius 8:11

Inga e, nanti banya orang yang bukang Yahudi dari samua tampa di dunia ini, dari timur sampe barat, dorang samua mo jadi Tuhan Allah pe umat, kong mo dudu makang sama-sama deng Abraham, Ishak deng Yakub di Tuhan Allah pe tampa Berkuasa sebagai Raja.

Lukas 22:65

Ada banya lagi kata-kata yang dorang bilang untuk kase malu pa Dia.

Lukas 9:5

Kalu tarada yang tarima pa ngoni, ngoni kaluar dari dorang pe kota itu, kong abu yang ada pa ngoni pe kaki me ngoni kase tada di situ, la kase inga dorang so sala pa Tuhan Allah.”

Kisah Para Rasul 13:51

Tapi Paulus deng Barnabas kase tinggal saja kota itu. Abu yang di dorang pe kaki me dorang tada kase tinggal, supaya kase inga pa orang-orang di situ, dorang so sala pa Tuhan Allah. Abis itu, dorang dua pigi di Ikonium.

Kisah Para Rasul 26:11

Banya kali kita cari pa dorang di ruma-ruma ibada agama Yahudi. Kita siksa deng paksa pa dorang supaya dorang manyangkal pa Yesus. Kita tara suka skali deng ajaran itu, jadi kita salalu cari pa orang-orang yang percaya pa Yesus itu, sampe di kota-kota di luar torang orang Yahudi pe daera.”

Kisah Para Rasul 26:20

Kita pi kase tau kamuka pa orang-orang Yahudi di Damsyik supaya dorang bertobat kong bale pa Tuhan Allah. Deng dorang musti biking hal-hal yang bae untuk kase tunju dorang butul-butul so bertobat. Abis itu, kita pi kase tau di kota Yerusalem sampe deng di samua tampa laeng di daera Yudea. Kita me ada kase tau samua itu pa orang-orang yang bukang Yahudi.

Kisah Para Rasul 28:28

Abis itu, Paulus bilang lagi, “Jadi sudara-sudara, ngoni musti tau, orang-orang yang bukang Yahudi itu mo dapa slamat dari Tuhan Allah, barang dorang mau dengar deng tarima Kabar Bae dari Tuhan Allah ini yang biking dorang slamat.” [

Roma 3:29

Karna Tuhan Allah itu bukang cuma orang-orang Yahudi pe Tuhan saja, Dia itu me orang-orang yang bukang Yahudi pe Tuhan lagi.

1 Timotius 5:22

Kong jang ngana capat-capat taru ngana pe tangan untuk lantik pa orang yang mo layani di jemaat. Kalu ada orang yang biking dosa, jang ngana taiko biking dosa sama deng dorang. Ngana musti jaga ngana pe hidup supaya tetap bersi.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

1 Petrus 4:14

Kalu ngoni dapa hina karna ngoni iko pa Yesus Kristus, ngoni itu paling sanang suda! Barang, itu berarti Tuhan Allah pe Roh yang luar biasa ada sama-sama deng ngoni.

1 Petrus 4:4

Tapi skarang, dorang yang jaga biking hal-hal jahat itu jadi herang pa ngoni, karna ngoni so tara iko biking barang yang jahat sampe tarada dia pe batas, sama deng dorang. Jadi dorang kase tara bae ngoni pe nama.