Kisah Para Rasul 17:7 - Perjanjian Baru Bahasa Melayu Maluku Utara

⁷ Turus, Yason ini yang so tarima pa dorang tinggal pa dia pe ruma. Dorang tara iko torang pe raja basar Roma pe parenta deng dorang bilang kata, ada raja laeng selain raja basar Roma. Raja laeng itu pe nama Yesus.”

Kisah Para Rasul 17:7 ပူးပေါင်းရင်းမြစ်များ

Lukas 10:38

Waktu Yesus deng Dia pe murit-murit sementara bajalang mo pigi di kota Yerusalem, dorang basingga di kampong satu. Di situ, ada parampuang satu yang pe nama Marta. Dia undang Yesus pigi pa dia pe ruma.

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Yohanes 19:12

Waktu Pilatus dengar itu, dia mulai berusaha cari jalang untuk kase bebas pa Yesus. Tapi orang-orang agama Yahudi bataria, dorang bilang, “Kalu bapa kase bebas Orang ini, bapa tara batamang lagi deng raja basar Roma. Barang, tiap orang yang mangaku dia itu raja sama deng yang Yesus mangaku, dia itu so malawang pa raja basar Roma.”

Kisah Para Rasul 16:21

dorang jaga kase ajar aturan-aturan yang torang orang Roma tara bole biking.”

Kisah Para Rasul 17:5

Tapi orang-orang Yahudi yang laeng mangiri pa Paulus deng Silas. Karna itu, dorang kumpul orang-orang yang jahat dari pusat kota untuk biking kelompok tukang kase kaco. Kong dorang itu biking kaco kota. Turus, dorang pigi serbu pa Yason pe ruma mo cari pa Paulus deng Silas yang tinggal di situ, la mo urus pa dong dua di orang banya pe muka.

Kisah Para Rasul 17:8

Pe dengar bagitu, orang banya itu deng pemerinta kota langsung mara kong baribut.

Yakobus 2:25

Ada lagi conto laeng bagini: dulu ada parampuang satu dia pe nama Rahab. Dia itu parampuang tara bae. Waktu itu, orang Yerikho ada cari orang Israel pe mata-mata yang datang di Yerikho la dorang mo bunu. Kong Rahab sambunyi mata-mata itu di dia pe ruma. Dia tolong pa dorang kong kase kaluar dari Yerikho iko jalang laeng supaya slamat. Deng Rahab biking bagitu, Tuhan Allah biking dia jadi orang yang tara sala pa Tuhan Allah pe muka.

1 Petrus 2:15

Barang, Tuhan Allah pe mau ngoni biking barang yang bae, supaya orang yang tara tau apa-apa tara barani lagi mo bicara tara bae tentang ngoni, karna so jelas yang dorang mo bicara itu tara butul.